રેલવે બજેટ મંજૂર, ગુજરાતના ફાળે આવી બે ટ્રેન

Updated: Monday, February 2, 2015, 14:21 [IST]

નવી દિલ્હી, 13 માર્ચ: તાજેતરમાં કેન્દ્રીય રેલવે મંત્રી પવનકુમાર બંસલે રેલવે બજેટ જાહેર કર્યું હતું. બજેટમાં તેમણે ભાડા વધારો તેમજ ટીકિટ રિઝર્વેશન અને કેન્સલેશન ફીમાં વધારો કરવાના અણસાર આપ્યા છે. આ ઉપરાંત પવન કુમારે પોતાના બજેટમાં 19 નવી ટ્રેનોની જાહેરાત કરી હતી. જેમાંથી ગુજરાતને બે ટ્રેન ફાળવવાની જાહેરાત કરાઇ છે.

ગુજરાતને જે બે ટ્રેન આપવાની જાહેરાત કરાઇ છે તેમાં રાજકોટ-નિઝામુદ્દીન અને ઓખા-નાથદ્વાર(બંને સાપ્તાહિક)નો સમાવેશ થાય છે. અત્રે ઉલ્લેખનીય છે કે લોકસભામાં આ અંગે 13 કલાકની લાંબી ચર્ચા બાદ મંજૂરી આપી દેવાઇ છે.

પવનકુમાર બંસલે ટીકિટ રિઝર્વેશન અને કેન્સલેશન ફીમાં વધારો કરવાના અણસાર આપવા અંગે જણાવ્યું કે ટીકિટ બુકિંગનું કામ 120 દિવસ પહેલાથી શરૂ થઇ જતું હોવાથી વચોલીયાઓ બુક કરાવી દે છે અને પછી તેની કાળાબજારી કરી નાખે છે, માટે તેની ફીમાં વધારો કરવો જરૂરી છે.