RBI Deputy governor : કોણ છે RBI ના નવા ડેપ્યુટી ગવર્નર ડૉ. પૂનમ ગુપ્તા?
RBI Deputy governor : ભારતીય રિઝર્વ બેંક (RBI)ના નવા ડેપ્યુટી ગવર્નર તરીકે ડૉ. પૂનમ ગુપ્તાની નિમણૂક કરવામાં આવી છે.
તેઓ આગામી ત્રણ વર્ષ સુધી આ પદ પર રહી દેશે. માઈકલ દેબબ્રત પાત્રાએ જાન્યુઆરી 2025માં આ પદ છોડી દીધું હતું, જેના અનુસંધાનમાં તેમની જગ્યાએ ડૉ. પૂનમ ગુપ્તાને નિમવામાં આવ્યા છે.
ડૉ. પૂનમ ગુપ્તા હાલમાં નેશનલ કાઉન્સિલ ઓફ એપ્લાઇડ ઇકોનોમિક રિસર્ચ (NCAER)ના ડિરેક્ટર જનરલ તરીકે સેવા આપી રહ્યા હતા. તેઓએ અર્થશાસ્ત્રમાં પીએચડી પ્રાપ્ત કરી છે અને વિશ્વભરની ટોચની સંસ્થાઓ સાથે કાર્ય કર્યું છે. 2021થી તેઓ ભારતની અગ્રણી આર્થિક સંશોધન સંસ્થાનું નેતૃત્વ સંભાળી રહ્યા છે.
તેમની કારકિર્દી ઘણી પ્રતિષ્ઠિત રહી છે, જેમાં વિશ્વ બેંક અને આંતરરાષ્ટ્રીય નાણાંકોષ (IMF)માં મહત્વની ભૂમિકાઓ ભજવી છે.
આ સંસ્થાઓમાં તેઓએ ઊભરતી અર્થવ્યવસ્થાઓ અને વૈશ્વિક આર્થિક નીતિઓ પર કામ કર્યું છે. તેઓએ અનેક શૈક્ષણિક સંસ્થાઓમાં વિઝિટિંગ પ્રોફેસર અને સંશોધક તરીકે યોગદાન આપ્યું છે.
તેઓ નાણાકીય નીતિ, આર્થિક સુધારા અને વિનિમય દર જેવા વિષયોના નિષ્ણાત છે. તેમના સંશોધન પત્રો ઘણા પ્રતિષ્ઠિત જર્નલમાં પ્રકાશિત થયા છે.
તેમણે આંતરરાષ્ટ્રીય નાણાંકોષ (IMF)માં અર્થશાસ્ત્રી તરીકે પણ કામગીરી બજાવી છે. તેઓએ ભારતની વિવિધ નીતિ રચનામાં પણ મહત્વપૂર્ણ યોગદાન આપ્યું છે.
તેઓ 20 વર્ષથી વધુનો વ્યાપક અનુભવ ધરાવે છે અને NITI આયોગ તેમજ ફિક્કી (FICCI)ની સલાહકાર સમિતિના સભ્ય પણ રહી ચૂક્યા છે.
ડૉ. પૂનમ ગુપ્તાની નિમણૂક ભારતીય નાણાકીય નીતિ અને વૈશ્વિક અર્થતંત્ર માટે એક મહત્વપૂર્ણ પગલું માનવામાં આવી રહી છે. તેમના નેતૃત્વ હેઠળ આરબીઆઈ વધુ મજબૂત અને ગતિશીલ નીતિઓ અમલમાં મૂકી શકશે એવી આશા છે.
Click it and Unblock the Notifications
Sign in with Google
