દિવસની શરૂઆતમાં સેન્સેક્સ ઊંધા માથે પટકાયો

મુંબઇ, 10 ઑક્ટોબર : છેલ્લા બે સેશનમાં તેજીનો અનુભવ કરનાર બીએસઇના બેન્ચમાર્ક સેન્સેક્સમાં આજે માર્કેટ શરૂ થતાં જ પ્રોફિટ બૂકિંગ થતા તે ઊંધા માથે ગગડ્યો હતો. ફંડ અને છૂટક રોકાણકારોએ માર્કેટમાં પ્રોફિટ બૂકિંગ કરવાનું શરૂ કરતા અને એશિયાના માર્કેટમાં જોવા મળેલી મંદીને પગલે આજે સેન્સેક્સ લગભગ 127 પોઇન્ટ ઘટીને ટ્રેડ થઇ રહ્યો હતો.

સેન્સેક્સનો 30 શેર્સનો ઇન્ડેક્સ ગઇ કાલે 84.38 પોઇન્ટના વધારા સાથે બંધ રહ્યો હતો. આજે સવારે તે 0.68 ટકા એટલે કે 127.22 પોઇન્ટ ઘટીને 18,666.14 પોઇન્ટ પર ટ્રેડ થઇ રહ્યો હતો.

આજે એનએસઇના નિફ્ટીમાં પણ ઘટાડો જોવા મળ્યો હતો. નિફ્ટિ 0.76 ટકા એટલે કે 43.20 પોઇન્ટ ઘટીને 5,661.40 પર ટ્રેડ થઇ રહ્યો હતો.

આ અંગે બ્રોકર્સનું કહેવું છે કે આજે સેન્સેક્સમાં પ્રોફિટ મેળવવા માટે વેચવાલીને વેગ મળ્યો હતો. બીજી તરફ અમેરિકાના માર્કેટમાં જોવા મળેલી મંદીને પગલે સવારે એશિયાના માર્કેટ પણ ડાઉન રહ્યા હતા. બંને પરિબળોની અસર ભારતીય શેર માર્કેટ પર જોવા મળી રહી છે.

English summary

Sensex down 127 pts in opening trade.