સેન્સેક્સમાં 98 પોઇન્ટના વધારા સાથે સકારાત્મક વલણ

મુંબઇ, 17 ઑક્ટોબર : આજે દિવસની શરૂઆતમાં બીએસઇનો બેન્ચમાર્ક સેન્સેક્સ 98 પોઇન્ટના વધારા સાથે ખૂલ્યો હતો. ગઇકાલે ફંડ અને છૂટક રોકાણકારોએ પ્રોફિટ બૂકિંગ કરતા સેન્સેક્સમાં પડેલા ગાબડા બાદ ક્લોઝિંગ સેશનમાં સેન્સેક્સ વધીને બંધ રહ્યો હતો. રિયલ્ટી અને આઇટી સેક્ટરમાં રિકવરી ફંડ તથા છૂટક રોકાણકારોએ એશિયાના માર્કેટમાં જોવા મળેલી તેજીને પગલે ખરીદી કરતા માર્કેટ ઊંચકાયું હતું.

આજે સેન્સેક્સનો 30 શેર્સનો બેરોમીટર ગઇકાલના 135.85 પોઇન્ટના નુકસાન બાદ આજે 0.53 ટકા એટલે કે 98.07 પોઇન્ટ વધીને 18,675.77 પોઇન્ટ પર ટ્રેડ થઇ રહ્યો હતો. આ સેશનમાં ખાસ કરીને રિયલ્ટી, ઓઇલ, ગેસ અને મેટલના શેર્સમાં રિકવરી જોવા મળી હતી.

બીજી તરફ એનએસઇના બેંચમાર્ક નિફ્ટીમાં પણ 0.50 ટકાનો વધારો જોવા મળ્યો છે. આજે સવારે નિફ્ટી 28.45 પોઇન્ટ વધીને 5,676.45 પોઇન્ટ પર ટ્રેડ થઇ રહ્યો હતો. બ્રોકર્સનું માનવું છે કે રિયલ્ટી અને આઇટી સેક્ટરમાં રિકવરી ફંડ તથા છૂટક રોકાણકારોએ એશિયાના માર્કેટમાં જોવા મળેલી તેજીને પગલે ખરીદી કરતા માર્કેટ ઊંચકાયું હતું. જેના કારણે સકારાત્મક વલણ જોવા મળ્યું છે.

English summary

Sensex up 98 points in early trade.