સેંસેક્સમાં 600 પોઇન્ટનો ઉછાળો, નિફટી 6800ને પાર

મુંબઇ, 9 મેઃ ભારતીય બજારોમાં શુક્રવારે રેકોર્ડતોડ ઉછાળો જોવા મળ્યો છે. બજાર સવારે સુસ્તી સાથે ફ્લેટ ખુલ્યુ હતું, પરંતુ ત્યારબાદ તેમાં શાનદાર સરસાઇ જોવા મળી છે. સેંસેક્સે 600 કરતા વધું પોઇન્ટના શાનદાર ઉછાળા સાથે 22,955 અને નિફટીએ 6850ના પોતાના સર્વશ્રેષ્ઠ લેવલને પાર કરી લીધું છે. આ દરમિયાન સેંસેક્સ 22,959 અને નિફટી 6850.35ના ઉચ્ચા મથાળા સુધી પહોંચ્યું.

બપોરે બીએસઇનો સેંસેક્સ અંદાજે 601.49 પોઇન્ટના ઉછાળા સાથે 22,945.53 પર અને એનએસઇ નિફટી અંદાજે 186.25 પોઇન્ટ્સના ઉછાળા સાથે 6846.10 પર કારોબાર કરી રહ્યું હતું. નોંધનીય છેકે, વિશ્લેષક આ ઉછાળાને મોદીનો કાલે પ્રસારિત ઇન્ટરવ્યૂ સાથે જોડીને જોઇ રહ્યાં છે.

આ પહેલા સેંસેક્સે શરૂઆતી કારોબારમાં 38.72 પોઇન્ટ અથવા 0.17 ટકાની ઝડપ સાથે 22,382.76ની સપાટી વટાવી હતી. નિફટી 6.40 પોઇન્ટ એટલે કે 0.10 ટકાની મજબૂતી સાથે 6,666.25ની સપાટી વટાવી હતી. વિશ્લેષકોનું કહેવું છેકે, આવા ઉછાળાનું અન્ય કોઇ કારણ જોવા મળી રહ્યું નથી. કારણ કે સ્થાનિક અથવા ગ્લોબલ લેવલે કોઇ બદલાવ આવ્યો નથી. તેવામાં આ ઉછાળા પાછળ મોદીએ ટાઇમ્સ નાઉને આપેલું ઇન્ટરવ્યૂ હોઇ શકે છે.

English summary

Sensex zooms 600 points; hits new all-time high