Union Budget 2022 : જાણો કેન્દ્રીય બજેટ 2022માં શું થયું મોંઘું અને શું સસ્તું?
કેન્દ્રીય નાણાં મંત્રી નિર્મલા સીતારમણે દેશ માટે કેન્દ્રીય બજેટ 2022 રજૂ કર્યું છે. સામાન્યથી લઈને વિશેષ સુધી આ બજેટની અપેક્ષા હતી.
Union Budget 2022 : કેન્દ્રીય નાણાં મંત્રી નિર્મલા સીતારમણે દેશ માટે કેન્દ્રીય બજેટ 2022 રજૂ કર્યું છે. સામાન્યથી લઈને વિશેષ સુધી આ બજેટની અપેક્ષા હતી. જો કે, કેન્દ્ર સરકારે બજેટમાં દરેક વર્ગ અને વિસ્તારના લોકોને રાહત આપવાનો પ્રયાસ કર્યો છે. દર વર્ષે રજૂ થતા કેન્દ્રીય બજેટ પર લોકોની નજર મોટાભાગે મોંઘી અને સસ્તી વસ્તુઓ પર હોય છે.
કોરોના સંકટ અને વધતી મોંઘવારીના આ યુગમાં દેશની જનતાને મોદી સરકાર પાસેથી બજેટમાં રાહતની આશા હતી. આવો જાણીએ કે કેન્દ્ર સરકારે બજેટમાં શું સસ્તું અને શું થશે મોંઘું?
કોર્પોરેટિવ ટેક્સમાં રાહત, ક્રિપ્ટોમાં આંચકો
કેન્દ્ર સરકારે કોર્પોરેટિવ ટેક્સમાં મોટી રાહત આપી છે. કેન્દ્રીય બજેટ 2022ના બજેટમાં તેને 18 ટકાથી ઘટાડીને 15 ટકા કરવામાં આવ્યો છે. આ ઉપરાંત કોર્પોરેટિવસરચાર્જ 12 ટકા થી ઘટાડીને 7 ટકા કરવામાં આવશે.
આવા સમયે ક્રિપ્ટો કરન્સી રોકાણકારોને મોટો ફટકો પડ્યો છે. કેન્દ્ર સરકારે ડિજિટલ કરન્સીથી થતી આવક પર 30ટકા ટેક્સની જાહેરાત કરી છે.
ઈલેક્ટ્રોનિક્સ સામાન સસ્તો થશે
કેન્દ્રીય નાણાં મંત્રી સીતારમણે જણાવ્યું હતું કે, ઈલેક્ટ્રોનિક્સ પરના ટેક્સમાં છૂટ આપવામાં આવશે.
આનો અર્થ એ થયો કે ઘરેલુ ઈલેક્ટ્રોનિક સામાન ખરીદવાની રાહજોઈ રહેલા લોકોને કિંમતોમાં થોડી રાહત મળશે.
જેમ્સ અને જ્વેલરી સસ્તા થશે
કેન્દ્રીય બજેટ 2022માં મહિલાઓ અને લગ્ન માટે ઘરેણાં ખરીદનારાઓને રાહત આપવામાં આવી છે. કેન્દ્ર સરકારે જેમ્સ અને જ્વેલરી પરની કસ્ટમ ડ્યૂટી ઘટાડીને 5 ટકાકરી છે.
સિમ્પલી સન ડાયમંડ પર કોઈ કસ્ટમ ડ્યૂટી નહીં લાગે. જો કે, નકલી દાગીના પર કસ્ટમ ડ્યુટી 400 રૂપિયા પ્રતિ કિલો રહેશે, જેથી તેની આયાતમાં ઘટાડો કરીશકાય. આનાથી નકલી જ્વેલરીના ભાવમાં વધારો થઈ શકે છે.
ખેડૂતોને સસ્તો માલ મળશે
આ સિવાય કૃષિ સંબંધિત સામાન સસ્તો કરવામાં આવશે. આવા સમયે સ્ટીલ સ્ક્રેપ પર કસ્ટમ ડ્યુટી વધુ એક વર્ષ માટે વધારવામાં આવી રહી છે. આ સિવાય વિદેશથીઆવતા મશીનો પહેલા કરતા સસ્તા થશે.
હવાઈમુસાફરી મોંઘી થશે
કેન્દ્ર સરકારે હવાઈ ઈંધણના ભાવમાં વધારો કર્યો છે. જેના કારણે આગામી દિવસોમાં હવાઈ મુસાફરી વધુ મોંઘી થઈ શકે છે. ઈન્ડિયન ઓઈલ કોર્પોરેશને એર ઈંધણનાભાવમાં 8.5 ટકાનો વધારો જાહેર કર્યો છે.
મોબાઈલ ફોન, કપડાં અને શૂઝ સહિતની આ વસ્તુઓ સસ્તી થઈ ગઈ
કેન્દ્રીય બજેટ 2022માં કહેવામાં આવ્યું હતું કે, કાપડ અને ચામડાની વસ્તુઓ સસ્તી થશે, પેકેજિંગ બોક્સ, મોબાઈલ ફોન અને ચાર્જર પણ સસ્તા થશે.
આ સિવાયસ્થાનિક ઉત્પાદનને પ્રોત્સાહિત કરવા ટ્રાન્સફોર્મર્સ વગેરે પર કસ્ટમ ડ્યૂટીમાં છૂટ આપવામાં આવી છે.
છત્રી મોંઘી થશે
આ વખતે કેન્દ્ર સરકારે વરસાદથી બચવા માટે સામાન્ય જનતા પાસેથી થોડો વધુ ખર્ચ કરવાનું મન બનાવી લીધું છે. છત્રી હવેથી મોંઘી થશે.
કારણ કે, સરકારે તેનાપરનો ટેક્સ વધારીને 20 ટકા કર્યો છે. આ સિવાય છત્રી બનાવવા માટે ઉપયોગમાં લેવાતા પાર્ટ્સ પર ટેક્સ છૂટ પણ ઘટાડી દેવામાં આવી છે.
Click it and Unblock the Notifications
Sign in with Google
