લીકર કિંગ વિજય માલ્યા અરબપતિની યાદીમાં આઉટ

નવી દિલ્હી, 6 માર્ચ: ફોર્બ્સ મેગેજીન દ્રારા રજૂ કરવામાં આવેલી દુનિયાના અરબપતિઓની યાદીમાં ભારતીયોની સંખ્યામાં વધારો થયો હોવા છતાં લીકર કિંગ નામેથી જાણિતા ઉદ્યોગપતિ વિજય માલ્યા આ યાદીમાંથી બહાર થઇ ગયા છે. ફોર્બ્સ દ્રારા જાહેર કરવામાં આવેલી દુનિયાના 1226 અરબપતિઓની યાદીમાં વિજય માલ્યાનું નામ નથી. જો કે આ યાદીમાં ભારતીય અરબપતિઓની સંખ્યા ગત વર્ષે 48 થી વધીને 55 થઇ ગઇ છે તેમની કુલ સંપત્તિ 189 અરબ ડોલર અર્થાત લગભગ 10 લાખ ડોલર રૂપિયા છે.

ફોર્બ્સે કહ્યું હતું કે આ યાદીમાં ફક્ત તે અરબપતિનો સમાવેશ કરવામાં આવ્યો છે જેમની સંપત્તિ એક અરબ ડોલર અથવા તેનાથી વધુ હોય અને તે આ પ્રકારના વ્યક્તિઓની સંખ્યા વર્ષે વધીને 1226 પર પહોંચી ગઇ છે. ગત વર્ષે વિજય માલ્યાની કુલ સંપત્તિ એક અરબ ડોલર આંકવામાં આવી હતી અને તે 48 ભારતીયોમાં 45મા સ્થાને હતા અને દુનિયાભરમાં 1153મા સ્થાન પર રહ્યાં હતા.

વિજય માલ્યની વિમાન કંપની કિંગફિશર કંગાળ હાલતમાં મુકાઇ જતાં તે કંપની પર ભારે દેવું થવાથી આ વર્ષે લિકર કિંગ વિજય માલ્યાની સંપત્તિમાં સતત ઘટાડો થતો રહ્યો છે. માર્ચ 2011માં માલ્યાની કુલ સંપત્તિ 1.4 અરબ ડોલર બતાવવામાં આવી હતી, પરંતુ ઓક્ટોબર 2012માં ભારતીય ધનિકોની યાદીમાં તેમની સંપત્તિ 80 કરોડ ડોલર આંકવામાં આવી છે.

English summary

Liquor baron Vijay Mallya has been moved out of Forbes' global rich list of 1,226 billionaires, even as the number of Indians in this elite club has grown since last year.