EVM banned countries list : પહેલા જ આ દેશો EVM પર લગાવી ચુક્યા છે પ્રતિબંધ, જાણો કેમ?
EVM banned countries list : ભારતમાં નરેન્દ્ર મોદી સરકાર પર સતત ઈવીએમનો દુરૂપયોગ કરવાના આરોપ લાગતા રહે છે.
ભારતમાં કોઈપણ ચૂંટણી એવી નથી જેમાં ઈવીએમ સાથે છેડછાડ થઈ હોવાના આરોપ ન લાગ્યા હોય. આ જ કારણ છે કે વિપક્ષી પાર્ટીઓ ભારતમાં ઈવીએમ બેન કરવાની સતત માંગ કરી રહી છે.
જણાવી દઈએ કે, ભારત પહેલા જ ઘણા દેશો ઈવીએમ પર બેન લગાવી ચુક્યા છે. આ લિસ્ટમાં દુનિયાના ઘણા વિકસીત દેશો સામેલ છે.
ભારતમાં, લોકસભા અને વિધાનસભાની ચૂંટણીઓ EVM દ્વારા યોજવામાં આવે છે. ઘણી વખત વિપક્ષી પાર્ટીઓ બેલેટ પેપરનો ઉપયોગ કરીને ચૂંટણી કરાવવાની માંગ કરે છે, પરંતુ સરકાર માને છે કે દેશમાં EVM દ્વારા પારદર્શક રીતે ચૂંટણીઓ યોજાય છે.
દે દેશોએ EVM નો ઉપયોગ કરીને ચૂંટણીઓ યોજવા પર પ્રતિબંધ મૂક્યો છે તેમાઁ ભારતનો પાડોશી દેશ બાંગ્લાદેશ પણ છે. બાંગ્લાદેશે હાલમાં જ તેની ચૂંટણીઓમાં EVM ના ઉપયોગ પર પ્રતિબંધ મૂક્યો છે.
આ સિવાય જાપાને પણ ચૂંટણીમાં EVM ની વિશ્વસનીયતા શંકાસ્પદ માનીને તેના પર પ્રતિબંધ મૂક્યો છે. તે સિવાય જર્મની, નેધરલેન્ડ અને આયર્લેન્ડે પણ EVM મશીન દ્વારા ચૂંટણી પર પ્રતિબંધ મૂક્યો છે. 2018 માં મ્યુનિસિપલ ચૂંટણીઓ પછી જાપાને ઇલેક્ટ્રોનિક વોટિંગ મશીનનો ઉપયોગ બંધ કરી દીધો છે.
2009 માં એક જર્મન કોર્ટે ચુકાદો આપ્યો હતો કે EVM ગેરબંધારણીય છે. આ પછી મતદાન પ્રક્રિયાની પારદર્શિતા અને જાહેર ચકાસણી અંગે ચિંતાઓને કારણે જર્મનીએ ઈવીએમનો ઉપયોગ બંધ કરી દીધો. જર્મનીમાં એવું તારણ કાઢવામાં આવ્યું કે EVM જાહેર ચકાસણી માટેની બંધારણીય આવશ્યકતાઓને પૂર્ણ કરતા નથી.
Click it and Unblock the Notifications
Sign in with Google
