EVM Machine Price : ક્યાં બને છે EVM? જાણો એક EVM ની કિંમત?
ચૂંટણી આવતા જ ભારતમાં ઈવીએમની બોલબાલા રહે છે. ઘણા લોકો તેના વિશે ઘણી વાતો છે. આ તમામ વાતો વચ્ચે ઘણી વાતો એવી પણ છે જે તમારે પણ જાણવી જોઈએ.
ઈવીએમનો પ્રસ્તાવ વર્ષ 1977માં આવ્યો હતો અને તે સમયે ઈવીએમ બનાવવાનું કામ ઈલેક્ટ્રોનિક્સ કોર્પોરેશન ઓફ ઈન્ડિયાના હાથમાં હતું.
1979 માં એક કાર્યકારી મોડેલ વિકસાવવામાં આવ્યું અને તે 6 ઓગસ્ટ 1980 ના રોજ વિવિધ રાજકીય પક્ષોને રજૂ કરવામાં આવ્યું હતું.
ઈવીએમ બનાવવાનો શ્રેય ઈલેક્ટ્રોનિક્સ કોર્પોરેશન ઓફ ઈન્ડિયા અને ભારત ઈલેક્ટ્રોનિક્સ લિમિટેડને જાય છે. હજુ પણ પણ તેના દ્વારા ઈલેક્ટ્રોનિક વોટિંગ મશીન અને અન્ય સંબંધિત સાધનો બનાવવામાં આવે છે.
EVM મશીન આવતા મતદાન પ્રક્રિયા ઝડપી અને ખૂબ જ સરળ બની. હવે તમે વિચારી રહ્યા હશો કે આ EVM પહેલા એવું શું થયું કે જેના કારણે ચૂંટણી પરિણામોમાં વિલંબ થાય છે. તો તમને જણાવી દઈએ કે પહેલા બેલેટ પેપરની ગણતરીમાં ઘણા દિવસો લાગતા હતા અને તેના કારણે પરિણામ મોડા આવતા હતા.
EVM મશીનની મદદથી હવે થોડા કલાકોમાં ચૂંટણી પરિણામો ઉપલબ્ધ થઈ જાય છે. પહેલા માત્ર એક મત આપવા માટે 2 થી 3 મિનિટનો સમય લાગતો હતો તો EVMની મદદથી ઘણા લોકો થોડી મિનિટોમાં જ પોતાનો મત આપી શકે છે.
EVM નો ઉપયોગ ક્યારે શરૂ થયો?
જણાવી દઈએ કે, ઈવીએમનો ઉપયોગ વોટિંગ અને વોટની ગણતરીમાં થાય છે. ભારતમાં ઈવીએમનો સૌપ્રથમ ઉપયોગ વર્ષ 1982માં કેરળના ઉત્તર પરાવુર વિધાનસભા ક્ષેત્રમાં થયો હતો.
કેરળ પછી, મધ્યપ્રદેશ, દિલ્હી, રાજસ્થાન અને અન્ય મતવિસ્તારોમાં તેનો પ્રથમ પરીક્ષણ તરીકે ઉપયોગ કરવામાં આવ્યો. 1999માં ગોવામાં આખા રાજ્યમાં વિધાનસભાની ચૂંટણી દરમિયાન પ્રથમ વખત તેનો ઉપયોગ કરવામાં આવ્યો હતો.
વર્ષ 2003માં દેશભરમાં જ્યાં પણ પેટાચૂંટણી યોજાઈ તે દરમિયાન આ જ મશીનનો ઉપયોગ કરવામાં આવ્યો. 2004 લોકસભા ચૂંટણીમાં સમગ્ર દેશમાં EVM મશીનો દ્વારા ચૂંટણી યોજવામાં આવી હતી.
કેટલી હોય છે EVM મશીનની કિંમત?
1989-90 દરમિયાન જ્યારે પહેલીવાર ઈવીએમ મશીન ખરીદવામાં આવ્યું ત્યારે તેની કિંમત 5,500 રૂપિયા હતી. 2014માં જ્યારે તેનો ઓર્ડર આપવામાં આવ્યો ત્યારે એક મશીનની કિંમત 10,500 રૂપિયા હતી.
2019માં તેની કિંમત 47,000 રૂપિયાની આસપાસ હતી. 2019માં કિંમતનું સ્તર 14,000 રૂપિયા હતું અને તેમાં એક કંટ્રોલ યુનિટ, 1 બેલેટિંગ યુનિટ અને બેટરીની કિંમત પણ સામેલ છે.
આ દેશોમાં પણ ભારતીય ઈવીએમથી મતદાન થાય છે
તમને જાણીને નવાઈ લાગશે કે માત્ર ભારતમાં જ નહીં પરંતુ ભૂટાન, કેન્યા, નામિબિયા, નેપાળમાં પણ ભારતીય ઈવીએમ દ્વારા વોટિંગ થાય છે.
Click it and Unblock the Notifications
Sign in with Google
