મોદીના 20 વર્ષ પહેલાના આ અંદાજને પણ જોઇ લો તસવીરોમાં...

Published: Friday, September 26, 2014, 15:12 [IST]

''અમે અમારી વિઝા નીતિ બદલી શકીએ નહીં...'' મોદીને અમેરિકાના વિઝા નહીં આપવા માટે અમેરિકાએ આવા રટણો તો ઘણા કર્યા પરંતુ વડાપ્રધાન બનતાની સાથે જ બરાક ઓબામાએ મોદીને ફોન કરીને શુભેચ્છા પાઠવી અને અમેરિકા આવવા માટેનું આમંત્રણ પણ આપી દીધું. આખરે એ દિવસ આવી પણ ગયો કે નરેન્દ્ર મોદી બીજી વખત અમેરિકા પ્રવાસ કરી રહ્યા છે.

હા આ પહેલા નરેન્દ્ર મોદીએ છેક 1993માં અમેરિકા પ્રવાસ કરેલો. એ વખતે તેઓ કોઇ નેતા પણ ન્હોતા. માત્ર એક જભ્ભા-લેંગાધારી એક સામાન્ય ભારતીય નાગરિક તરીકે જ અમેરિકાનો પ્રવાસ કર્યો હતો, અને આજનો દિવસ છે મોદી ભારતના ટોચના પ્રતિનિધિ બનીને અમેરિકાની મેજબાનીનો આનંદ માણશે. ભારતના વડાપ્રધન બન્યા બાદ નરેન્દ્ર મોદી પહેલી વાર અમેરિકાનો પ્રવાસ કરી રહ્યા છે.

નરેન્દ્ર મોદી જ્યારે એક સાધારણ ભાજપ કાર્યકર્તા હતા ત્યારે તેમણે વર્ષ 1993માં પહેલી વાર અમેરિકા ગયા હતા. તે સમયે તેઓ કેટલાક મિત્રોની સાથે ગયા હતા, અને ખૂબ ઓછા લોકો તેમને ઓળખતા હતા. હાલમાં મોદી દેશમાં જ નહીં પરંતુ દુનિયામાં પણ લોકપ્રિય નેતા બન્યા છે, ત્યારે તેમના અમેરિકન પ્રવાસ પર સૌ કોઇનું ધ્યાન છે. સોશિયલ મીડિયા પર હાલમાં મોદીની પહેલી અમેરિકન યાત્રાની તસવીરો ખૂબ જ ફરતી થઇ છે.

અહીં વનઇન્ડિયા આપના માટે નરેન્દ્ર મોદીની પહેલી અમેરિકા યાત્રાની એક્સક્લૂસિવ તસવીરો લઇને આવ્યું છે... જુઓ મોદીની પહેલી અમેરિકા યાત્રા તસવીરોમાં...