ચૂંટણી કાર્ડ નથી તો કોઈ પ્રોબ્લેમ નથી, આવી રીતે તમે આપી શકો છો મત

બહુ જલ્દી ભારતના 5 રાજ્યોમાં વિધાનસભા ચૂંટણી યોજાવા જઈ રહી છે. આ સ્થિતીમાં અમે તમને જણવવાના છીએ કે વોટર આઈડી વગર પણ તમે કેવી રીતે મત આપી શકો છો?

ઘણા એવા લોકો છે જેમની પાસે ચૂંટણી કાર્ડ નથી. તેઓ એ જાણવા માંગે છે કે તે ચૂંટણી કાર્ડ વગર મતદાન કરી શકે કે નહી? તો આજે આ બાબતે વિગતે પ્રકાશ પાડવા જઈ રહ્યા છીએ.

સરળ ભાષામાં સમજીએ તો મત આપવા માટે મતદાર યાદીમાં નામ હોવુ જરૂરી છે. જો કોઈ વ્યક્તિનું નામ મતદાર ઓળખ કાર્ડમાં ન હોય તો તે વ્યક્તિ મતદાન કરી શકે નહીં. તમારે ચૂંટણી પહેલા આ મતદાર યાદીમાં તમારું નામ ઉમેરવું પડશે અને તે પછી જ તમે મત આપવા માટે લાયક ગણાશો.

મતદાર યાદીમાં નામ ઉમેરવા માટે કેટલીક શરતો છે, જે પૂર્ણ કર્યા પછી જ ઉમેદવાર મતદાન કરી શકે છે. આ શરતો હેઠળ કોઈપણ વ્યક્તિની ઉંમર 18 વર્ષ અને ભારતીય નાગરિક હોવા આવશ્યક છે.

જો તમારી પાસે વોટર આઈડી કાર્ડ નથી તો પણ તમે મતદાન કરી શકો છો. આ માટે તમારું નામ મતદાર યાદીમાં હોવું આવશ્યક છે. જો નામ ન હોય તો મતદાન કરી શકાય નહીં.

જો નામ હોય અને મતદાન ઓળખકાર્ડ ન હોય તો મતદાન કરી શકાય છે. આ સ્થિતિમાં તમે અન્ય આઈડી પ્રૂફ બતાવીને વોટ કરી શકો છો. મતદાર ઓળખ કાર્ડ સિવાય તમે મતદાનના દિવસે આધાર કાર્ડ, મનરેગા જોબ કાર્ડ, બેંક પાસબુક, વીમા સ્માર્ટ કાર્ડ, ડ્રાઇવિંગ લાઇસન્સ, પાન કાર્ડ, પાસપોર્ટ વગેરે સાથે મતદાન કરી શકો છો.

જો તમારું નામ વોટિંગ લિસ્ટમાં નથી તો તમે ઓનલાઈન માધ્યમથી પણ તમારું નામ વોટિંગ લિસ્ટમાં ઉમેરી શકો છો. તમે તમારા ફોન દ્વારા નામ ઉમેરી શકો છો કે નામ ટ્રાન્સફર કરી શકો છો.

અહીં મતદાર IDમાં કોઈપણ ફેરફાર કરી શકાય છે. તમે ઓનલાઈન માધ્યમ દ્વારા પણ જાણી શકો છો કે તમારું નામ મતદાર યાદીમાં છે કે નહીં અને તે પછી તમે મતદાન કેન્દ્રનો ઉલ્લેખ કરીને મત આપી શકો છો

English summary

No problem if you don't have election card, you can vote that way