Photo : 503 મીટરની ઊંચાઇથી આવું અદભુત દેખાય છે મોસ્કો

Published: Friday, July 12, 2013, 9:20 [IST]

સામાન્ય રીતે કોઇ પણ વસ્તુની સુંદરતા જોવા માટે આપણે તેની વધારે નજીક જતા હોઇએ છીએ. પણ ઘણી વાર એવું બને છે કે સુંદરતા જોવા માટે આપણે તેનાથી દૂર જવું પડે. સામ્યવાદી રશિયાની રાજધાની મોસ્કો શહેરની ચહેલ પહેલ નજીકથી જોવાથી અન્ય કોઇ શહેર જેવી જ સામાન્ય લાગે છે. પણ જ્યારે મોસ્કો શહેરને 503 મીટરની અધધ ઊંચાઇએથી જોવામાં આવે તો અદભુત દ્રશ્ય જોનારાના મોઢામાંથી 'વાહ' શબ્દ અચૂક નીકળે છે.

રશિયાના જાણીતા ફોટોગ્રાફર દમિત્રિ કિસ્ટોપુદોવે યુરોપના સૌથી ઊંચા ગણવામાં આવતા ટીવી ટાવર્સ પૈકી એક ઑસ્ટાન્કિનો (Ostankino)ની ટોચની ગેલરીમાં જઇને આ અદભુત નજારો પોતાના કેમેરામાં ઝીલ્યો હતો. આ કરવા માટે તેમણે પોતાનો જ રેકોર્ડ તોડ્યો છે. તેમણે અગાઉ દુબઇના બુર્જ ખલિફા ટાવર પરથી દુબઇ શહેરની તસવીરો લીધી હતી. બુર્જ ખલિફાની ઊંચાઇ 500 મીટર હતી, જ્યારે ઑસ્ટાન્કિનો ટાવરની ઊંચાઇ તેનાથી 3 મીટર વધારે એટલે કે 503 મીટર છે. આવો જોઇએ મોસ્કોનો અદભુત નજારો...