EVM નું બટન દબાવવાથી શોક લાગી શકે છે? જાણો EVM કેવી રીતે કામ કરે છે?
પાંચ રાજ્યોની વિધાનસભા ચૂંટણી ચાલી રહી છે. આ ચૂંટણી વચ્ચે ઈવીએમને લઈને ખુબ ચર્ચા થાય છે. આ ચર્ચામાં એક ચર્ચા એવી પણ છે કે ઈવીએમનું બટન દબાવવાથી શોક લાગી શકે છે.
ચૂંટણીમાં ઉપયોગમાં લેવાતા EVMને લઈને લોકોના મનમાં ઘણા સવાલ છે. છેવાડાના ગામડાઓમાં આ અંગે અલગ-અલગ વાતો ચાલે છે. કેટલાક નેતાઓ પણ લોકોને ભરમાવતી વાતો કરે છે.
નવેમ્બર મહિનામાં રાજસ્થાન, મધ્યપ્રદેશ, છત્તીસગઢ, તેલંગાણા અને મિઝોરમમાં મતદાન થશે, ત્યારબાદ 3 ડિસેમ્બરે પરિણામ જાહેર થશે. અહીં પણ ઈલેક્ટ્રોનિક વોટિંગ મશીન એટલે કે EVM નો ઉપયોગ થશે.
ઈવીએમને લઈને લોકોના મનમાં રહેલા સવાલોનો યોગ્ય જવાબ મળવો જરૂરી છે. આ એ જ મશીન છે જેના બટન દબાવીને લોકો પોતાના મતાધિકારનો ઉપયોગ કરે છે.
ઈવીએમને લઈને લોકોના મનમાં અનેક ગેરમાન્યતાઓ છે. એક મૂંઝવણ એ છે કે શું આ મશીન મતદારને શોક આપી શકે છે?
હકિકતમાં EVM બેટરી પર કામ કરે છે અને તેના પર દેખાતું વાદળી બટન દબાવવાથી અથવા EVMને હેન્ડલ કરવાથી કોઈ આંચકો કે કરંટ લાગતો નથી. ઈવીએમને કોઈપણ જગ્યાએ લઈ જઈ શકાય છે અને તેને ચલાવવા માટે કોઈ વીજળીની જરૂર નથી.
Click it and Unblock the Notifications
Sign in with Google
