નાસાના ઉપગ્રહે ખેંચ્યા સૂર્ય પર વિસ્ફોટના દ્રશ્યો, જુઓ વીડિયો

Updated: Thursday, May 2, 2013, 17:09 [IST]

વોશિંગ્ટન, 2 મે: હાલમાં સૂર્ય અને તેની ગરમી વધુને વધુ ઉગ્ર બની રહી છે. તેનું તાપમાન 42 ડીગ્રીથી ઉપર જઇ રહ્યું છે, જેના પગલે લોકો ત્રાહિમામ થઇ રહ્યા છે. આવામાં આપને સૂર્યના નજીકથી દ્રશ્યો બતાવવામાં આવે તો આપ કલ્પના કરી શકો કે તે ખરેખર ઉગ્ર સ્વરૂપમાં કેવો દેખાતો હશે અથવા તો કેવો ભભકતો હશે.

નાસાએ પોતાની વેબસાઇટ પર બતાવ્યું છે કે 'કોરોનલ માસ ઇજેક્શન'(સીએમઇ-મોટા પ્રમાણમાં શ્રેણીબદ્ધ ઉત્ક્ષેપણ) તરીકે ઓળખાતો આ વિસ્ફોટ 16 લાખ કિલોમિટર પ્રતિ કલાકની ઝડપે અંતરિક્ષમાં એક અરબ ટનથી વધારે કણ ઉત્સર્જિત કરી શકે છે. અમેરિકન અવકાશ એજેન્સીએ જણાવ્યું કે અવકાશમાં ઉત્સર્જિત આ કણોથી પૃથ્વી પર પ્રભાવ થવાની આશંકા નથી. કારણ કે તે અલગ અલગ દિશાઓમાં ફેલાયા છે.

'ધ સોલર ડાયનામિક્સ ઓબ્ઝર્વેટરી સેટેલાઇટ'ને ફેબ્રુઆરી 2010માં પ્રક્ષેપિત કરવામાં આવ્યો હતો. અને તેને એ રીતે તૈયાર કરવામાં આવ્યો છે કે તે પાંચ વર્ષ સુધી અવકાશમાં ભ્રમણ કરી કામ કરતો રહે. અત્રે આ સેટેલાઇટ દ્વારા લેવામાં આવેલ સૂર્ય પર થઇ રહેલા વિસ્ફોટોનો વીડિયો આપેલો છે તેને જોઇને તેની ઉગ્રતા જોઇ શકાય છે.