પેટ્રોલ પંપ પર ઝીરો દેખાડીને આવી રીતે થાય છે ચિટિંગ, જાણો કેવી રીતે બચવુ?
મોટાભાગના લોકો પેટ્રોલ પર પેટ્રોલ-ડીઝલ ભરાવવા જાય છે ત્યારે ઝીરો જોઈને પેટ્રોલ ભરાવી લે છે. જો કે તેમને એ અંદાજ નથી કે ઝીરો દેખાડીને પણ તેમની સાથે મોટુ ચિટિંગ થઈ રહ્યું છે.
આજે આપણે કેટલીક એવી બાબતો પર નજર કરવાના છીએ, જેનું તમે ધ્યાન રાખો તો પેટ્રોલ પંપ પર ચિટિંગથી બચી શકો છો. આ એવી બાબતો છે જે તમારી નજર સામે થાય છે અને તમે તેને જોયા પછી પણ પકડી શકતા નથી.
મીટરમાં ઝીરો જોઈને સંતોષ ન માનતા પેટ્રોલ અને ડીઝલની ઘનતા પણ તપાસવી જોઈએ. જો પેટ્રોલ ડીઝલની ઘનતા નિર્ધારિત ધોરણો મુજબ હશે તો તમારું વાહન સારી એવરેજ આપશે અને વાહનના એન્જિનને પણ નુકસાન નહીં થાય. પેટ્રોલ કે ડીઝલની ઘનતા જેટલી વધારે તેટલી તેની ગુણવત્તા સારી રહે છે.
જણાવી દઈએ કે, નિર્ધારિત ધોરણો અનુસાર પેટ્રોલની શુદ્ધતા ઘનતા 730 થી 800 ની વચ્ચે હોવી જોઈએ અને ડીઝલની ઘનતા 830 થી 900/Kgm3 હોવી જોઈએ. જેમને ખબર નથી કે પંપ પર આ ઘનતા ક્યાં જોવા મળે તો જ્યાં તમે પૈસા અને પેટ્રોલની માત્રા જુઓ છો તેની નીચે ઘનતા પણ લખેલી હોય છે.
અહીં તમે જોઈને ચકાસી શકો છો અને જો ઘનતા નિર્ધારિત ધોરણો મુજબ ન હોય તો તમે પેટ્રોલ પંપ પર પણ પૂછપરછ કરી શકો છો અને પેટ્રોલ ભરવા માટે બીજી જગ્યાએ જઈ શકો છો.
ઘણા લોકો વિચારે છે કે પેટ્રોલ ભરતી વખતે જો મીટર ઝીરો દેખાડે તો તેમના વાહનમાં યોગ્ય માત્રામાં પેટ્રોલ જઈ રહ્યું છે. જો કે, આવું બિલકુલ નથી. ઘણી વખત છેતરપિંડી કરનારા પેટ્રોલ પંપ તેમના મશીનોમાં જમ્પ ટ્રિકનો ઉપયોગ કરે છે. તેને પકડવા માટે તમારે મીટર પર ધ્યાન આપવું પડશે.
જો પેટ્રોલ અને ડીઝલ ભરતી વખતે રકમ શૂન્યથી 5 થઈ જાય તો તેનો અર્થ એ છે કે પંપ ડીલર જમ્પ ટ્રીકનો ઉપયોગ કરીને તમારી સાથે છેતરપિંડી કરી રહ્યો છે. તો આગલી વખતે જ્યારે તમે પેટ્રોલ અને ડીઝલ ભરવા જાવ ત્યારે આ બાબતોનું ધ્યાન રાખો અને છેતરપિંડીથી બચો.
Click it and Unblock the Notifications
Sign in with Google
