ચોરી ને સ્મગ્લિંગ માટે ઉપયોગમાં લેવાયેલી ટનલ્સ

ક્રાઇમ કરવા માટે વિશ્વભરમાં જાણે કે એક આખી બુદ્ધીજીવીઓની ફોજ હોય તેવા કિસ્સાઓ આપણને અવાર-નવાર સમાચાર પત્રોમાં અથવા ટીવીમાં વાંચવા અને સાંભળવા મળે છે. જેમાં માન્યામાં ના આવે તે રીતે ક્રીમિનલ પોતાના ક્રાઇમને અંજામ આપે છે.

ત્યારે આ વખતે અહીં એવી જ કેટલીક ચોરી અને સ્મગ્લિંગ અંગે જણાવી રહ્યાં છીએ કે, જેને અંજામ આપવા માટે ક્રાઇમ માઇન્ડ ધરાવનારાઓએ આપણી સમજથી દૂર કંઇક વિચારીને પોતાના ક્રાઇમને પાર પાડ્યો છે. જો કે,તેમાં કેટલાક સફળ નીવડ્યા છે, તો તેમા કેટલાકને જોખમ ખેડવું ભારે પડ્યું છે અથવા તો કોઇના દ્વારા ખોટું પગલું ભરાઇ ગયું છે. અહી આજે વિશ્વભરમાં ટનલ ખોદીને કરવામાં આવેલી કેટલીક ચોરી અંગે જણાવવામાં આવી રહ્યું છે. તો ચાલો તસવીરોના માધ્યમથી આ ટનલ અંગે જાણીએ.

બ્રાઝિલની ટનલ- 262 ફૂટ

બ્રાઝિલની આ બેન્ક રોબરી ઇતિહાસમાં નોંધાઇ છે. ઓગસ્ટ 2005માં રોબરો દ્વારા 40 મિલિયન યુરો બ્રાઝિલિયન સેન્ટ્રલ બેન્ક વોલ્ટમાંથી ચોરી કર્યા હતા. આ માટે રોબરોએ 262 ફૂટ લાંબી ટનલ ખોદી હતી.

બર્લિન બેન્ક રોબરી ટનલ- 135 ફૂટ લાંબી

બર્લિનમાં ફોક્સબેન્કમાં રોબરી કરવામાં માટે કેટલાક ચોરો દ્વારા 135 ફૂટ લાંબી ટનલ ખોદી હતી અને 10 મિલિયન યુરોની ચોરી કરી હતી. જો કે, આ રોબરીમાં સમાલે કેટલાક પકડ્યા હતા, જ્યારે બીજા પોલીસની પકડથી બહાર છે.

જેમ્સબોન્ડ શોર્ટી ટનલ- 270 ફૂટ

યુએસ-મેક્સિકો બોર્ડર પર આ ટનલ મે 1990માં મળી આવી હતી. જે 270 ફૂટની છે. જેમાંથી કોકેઇન મોટી માત્રામાં મળી આવ્યું હતું.

કેઅફસીમાં ટનલ

ઓસ્ટ્રેલિયામાં કેએફસી કાફેમાં કેટલાક ચોરો દ્વારા ટનલ ખોદવામાં આવી હતી. તેમને એમ હતુ કે આ એક જ્વેલરી શોપ છે, પરંતુ તે એક કાફે નીકળ્યું હતું.

કોરિયામાં ઉત્તરથી દક્ષિણ- 1.1 માઇલ્સ

દક્ષિણ અને ઉત્તર કોરિયા વચ્ચે વર્ષોથી લડાઇ ચાલી આવી છે, જેને લઇને ઉત્તરથી દક્ષિણ તરફ ડીમિલિટરાઇઝ ઝોનમાં 1.1 માઇલ લાંબી છ ફૂટની ટનલ ખોદવામાં આવી હતી. જે ટેક્નિકલ સામગ્રીઓ માટે ખોદવામાં આવી હતી.

18મી સદીની સ્મગ્લર ટનલ

સ્મગ્લિંગ કરવાનું સદીઓથી ચાલી આવ્યું છે. ઇંગ્લેન્ડમાં 18મી સદીમાં 65 ફૂટની ટનલ ખોદવામાં આવી હતી. જેમાં તંબાકુ, ખાંડ, ચા, આલ્કોહોલ અથવા તો સીલ્કનું સ્મગ્લિંગ કરવામાં આવતું હતું.

કેનેડા ટૂ યુએસ-360 ફૂટ

મેક્સિકોથી યુએસ ડ્રગ સ્મગ્લિંગ પર બધાની નજર હતી, ત્યારે ડ્રગ માફિયાઓએ ડ્રગનું સ્મગ્લિંગ કરવા માટે કેનેડાથી યુએસ સુધી 360 ફૂટની ટનલ ખોદી હતી. જો કે, આ બાબતે કેનેડિયન પોલીસ દ્વારા કેટલાક લોકોની ધરપકડ કરવામાં આવી હતી.

English summary

here is the list of tunnels who used for crime