આ તસવીરો તમારો દિવસ સુધારી દેશે, બેબી સ્પાની Cutie pie!
બે ભારતીય મૂળની બહેનોએ ઓસ્ટ્રેલિયામાં એક બેબી સ્પા ખોલ્યો છે. જે હાલ મમ્મીઓ અને તેમના બેબીને ખુબ જ પસંદ આવી રહ્યો છે. ત્યારે તમે પણ જુઓ બેબી સ્પામાં પાણીમાં છબછબિયા કરતા આ નાના ભૂલકાઓને
ભારતીય મૂળની બે બહેનોએ ઓસ્ટ્રેલિયામાં એક અનોખા અભિગમ સાથે મસાજ પાર્લર અને સ્પાને ખોલ્યો છે. ઓસ્ટ્રેલિયામાં પહેલી વાર ખોલવામાં આવેલા આ બાથ અને મસાજ પાર્લર હાલ ઓસ્ટ્રેલિયાના લોકોમાં ખૂબ જ ફેમસ થઇ રહ્યું છે. કારણ કે આ પાર્લરમાં આવીને મમ્મી અને બેબી બન્ને ખુશ થઇ જાય છે. અનિતા યાપ અને કવિતા કુમાર નામની આ બન્ને બહેનોના આ યુનિક બેબી સ્પામાં નાના નાના ભૂલકાઓને રોયલ ટ્રીટમેન્ટ આપીને રિલેક્સ કરવામાં આવે છે.
ત્યારે હાલ આ બહેનોએ તેમના સ્પામાં આવતા નાના ભૂલકાઓની તસવીરો તેમના અધિકૃત ઇન્સ્ટ્રાગ્રામ એકાઉન્ટ પર મૂકી છે. આ તમામ તસવીરો એટલી ક્યૂટ છે તે તમે જોઇને મોહી પડશો. તો જુઓ આ અનોખા સ્પાની સુપર ક્યૂટ તસવીરો અહીં. અને આ અંગે વધુ રસપ્રદ માહિતી જાણો અહીં....
બે બહેનો ચલાવે છે સ્પા!
અનિતા અને કવિતા નામની આ બન્ને બહેનો દ્વારા ચલાવવામાં આવતા આ સ્પામાં નાના બાળકોને મસાજ સમેત સ્પાની વિવિધ સેવાઓ આપવામાં આવે છે. ઓસ્ટ્રેલિયામાં સૌથી પહેલીવાર ખોલવામાં આવેલા આ બેબી સ્પાએ હાલ તો અહીં ધૂમ મચાવી છે. અને મોટી સંખ્યામાં મમ્મીઓ તેમના બાળકોને લઇને અહીં પાણીમાં છબછબિયા કરવવા આવી રહી છે.
મસાજ
અહીં બાળકોને કેવી રીતે મસાજ કરવો તે મમ્મીઓને શીખવવામાં આવે છે. સાથે જ બાળકોને અહીં ખૂબ જ રોયલ ટ્રીટમેન્ટ આપવામાં આવે છે. જેથી નાના બાળકો મસાજ અને સ્પાના બાથ પર આરામની નીંદર માણી શકે.
બેબી સ્પા
અહીં નાના ભૂલકાઓને સૌથી વધુ મજા બેબી સ્પામાં આવે છે. તેમના ચહેરાની સ્માઇલ જ કહી દે છે કે કેવી રીતે આ બાળકો પાણીને એન્જોય કરી રહ્યા છે. વળી કેટલાક બાળકો તો પાણીમાં તરવા પણ લાગે છે.
બેબી સ્પા
ત્યારે હાલ ઓસ્ટ્રેલિયાના પેર્થમાં આવેલી આ બેબી સ્પામાં બાળકો અને તેમની મમ્મીઓની મોટી લાઇન જોવા મળે છે. અને હસતા રમતા બાળકો અહીં આવીને મીઠી નિંદ્રા માણે છે. જેના લીધે મમ્મીઓના ચહેરા પર શાંતિની સ્માઇલ આવી જાય છે. વળી સોશ્યલ મીડિયા પર પણ આ તસવીરો હાલ ધૂમ મચાવી રહી છે.
Click it and Unblock the Notifications
Sign in with Google
