Drone Rules in India: સામાન્ય માણસ કેટલુ મોટુ ડ્રોન ખરીદી શકે? જાણો નિયમ?

Drone Rules in India: ડ્રોન શબ્દ સાંભળતાં જ ગેજેટ પ્રેમીઓ હરખઘેલા થઇ જતા હોય છે. ગેજેટ લવર્સ હોય અને ડ્રોન વસાવવાનું સપનું ના હોય એ શક્ય જ નથી, પરંતુ શું તમે જાણો છો? ડ્રોન ઉડાવવા તો ઠીક ડ્રોન ખરીદવા બાબતે પણ કેટલાક નિયમો રહેલા છે. સામાન્ય માણસ તરીકે આપણે બધા જ પ્રકારના ડ્રોન ખરીદી શકતા નથી.

હાલ દુનિયાભરમાં યુદ્ધના મેદાનથી લઈને ખેતરોમાં ખેતી સુધી ડ્રોનનો ઉપયોગ શરૂ થયો છે. હવે ભારતમાં પણ ડ્રોન દીદી જેવી યોજનાઓ શરૂ છે.

જણાવી દઈએ કે, જો તમે ડ્રોન ઉડાડવા માંગો તો તમારે નાગરિક ઉડ્ડયન મંત્રાલય અને ડિરેક્ટોરેટ જનરલ ઓફ સિવિલ એવિએશન દ્વારા જારી કરવામાં આવેલા નવા ડ્રોન નિયમો 2021થી વાકેફ હોવું જરૂરી છે. આ નિયમો નેવી, આર્મી અને એરફોર્સ સિવાય તમામ લોકો માટે છે.

આ નિયમો અનુસાર, જો તમે કોઈપણ ડ્રોન ખરીદો છો તો તમારે તેને ડિજિટલી રજીસ્ટ્રેશન કરાવવું પડે છે. આ સિવાય તમારે ડ્રોન ક્યાં ઉડાવવું છે તેની માહિતી પણ આપવી પડે છે.

ડ્રોન ગમે તેટલું નાનું હોય તો પણ તમે તેને પરવાનગી વિના ઉડાડી શકતા નથી. જો તમે પરવાનગી વિના ડ્રોન ઉડાડતા પકડાવ તો તમારી સામે એરક્રાફ્ટ એક્ટ 1934ની જોગવાઈઓ હેઠળ કાર્યવાહી થઈ શકે છે.

ડ્રોનને ત્રણ સ્તરમાં વહેંચવામાં આવ્યા છે. નાના ડ્રોન, મધ્યમ ડ્રોન અને મોટા ડ્રોન. નાના ડ્રોનનું વજન 2 થી 25 કિલોગ્રામ સુધી હોઈ શકે છે. મધ્યમ ડ્રોનનું વજન 25 થી 150 કિલોગ્રામ સુધી હોઈ શકે છે. જ્યારે મોટા ડ્રોનનું વજન 150 થી 500 કિલોગ્રામ સુધી હોઈ શકે છે. આનાથી મોટા કોઈપણ ડ્રોન UAV એરક્રાફ્ટ નિયમો 1937 હેઠળ આવે છે.

જો તમારે ડ્રોન ઉડાડવું હોય તો આ માટે તમારે ડ્રોન ઉડાડવા માટે યોગ્યતાનું પ્રમાણપત્ર મેળવવું જરૂરી છે. આ સિવાય તમે જે પણ ડ્રોન ખરીદો તેનો UIN નંબર ડિજિટલ સ્કાય પ્લેટફોર્મ પરથી જનરેટ કરવો જરૂરી છે.

English summary

Drone: How big a drone can a common man buy? Know the rule?