Brain Hemorrhage Causes : આ કારણે ફાટી જાય છે મગજની નસ, આ રીતે બ્રેઇન હેમરેજથી બચો
Brain Hemorrhage Causes : બ્રેઇન હેમરેજ કેવી રીતે થાય છે? આ સવાલ હાલ સળગી રહ્યો છે. કારણ કે, વર્તમાન સમયમાં બ્રેઇન હેમરેજના ઘણા કિસ્સા સામે આવી રહ્યા છે. મોટાભાગના લોકો બ્રેઇન હેમરેજ વિશે જાણતા નથી. તેમને આ શરીરમાં થઇ રહેલા ફેરફારોને ધ્યાન પર લેતા નથી. આ અવગણના તેમને બ્રેઇન બેમરેજ તરફ દોરી જાય છે, આ સાથે તમને તેમના મગજમાં રક્ત સ્ત્રાવ થાય છે.
મેડિકલની ભાષામાં બ્રેઇન હેમરેજને ઇન્ટ્રાક્રેનિયલ હેમરેજ તરીકે પણ ઓળખવામાં આવે છે. હવે તમે વિચારતા હશો કે, આવું કેમ થાય છે અને તેનાથી કેવી રીતે બચી શકાય. આ બધી બાબતો વિશે વિગતવાર જાણીશું. આ પહેલા આપણે જાણીશું કે, બ્રેઈન હેમરેજ કેવી રીતે થાય છે?
બ્રેઈન હેમરેજ ઘણા કારણોસર થઈ શકે છે. પ્રથમ કારણ કોઈપણ ઈજાને કારણે એટલે કે પડી જવાથી, કારનો અકસ્માત, રમતગમતનો અકસ્માત અથવા અન્ય કોઈપણ પ્રકારની માથાની ઈજાને કારણે થઇ શકે છે.
હાઈ બીપીને કારણે, જે રક્ત વાહિનીઓની દિવાલોને નુકસાન પહોંચાડી શકે છે અને રક્ત વાહિનીઓનું રક્તસ્રાવ અથવા ફાટવાનું કારણ બની શકે છે.
મગજમાં લોહી ગંઠાઈ જવાને કારણે
ધમનીઓમાં ચરબી જમા થવાને કારણે એટલે કે એથરોસ્ક્લેરોસિસ
ફાટેલું સેરેબ્રલ એન્યુરિઝમ, રક્તવાહિનીની દીવાલમાં એક નબળું સ્થાન જે ફૂલે છે અને ફૂટે છે
મગજની ધમનીઓની દિવાલોની અંદર એમીલોઈડ પ્રોટીનને કારણે એટલે કે સેરેબ્રલ એમીલોઈડ એન્જીયોપેથી
મગજની ગાંઠ કે જે મગજની પેશીઓ પર દબાણ લાવે છે તે રક્તસ્રાવનું કારણ બની શકે છે
ધુમ્રપાન, ભારે મદ્યપાન અથવા કોકેન જેવા પદાર્થોનો ઉપયોગને કારણે
સગર્ભાવસ્થામાં એક્લેમ્પસિયા અને ઇન્ટ્રાવેન્ટ્રિક્યુલર રક્તસ્રાવના કારણે
મગજનું હેમરેજ કેવી રીતે થાય છે?
જ્યારે આ કારણોસર મગજની નસ ફાટી જાય છે, ત્યારે મગજને ઓક્સિજન મળતો નથી. પછી બાકીના કોષો મૃત્યુ પામે છે અને શરીરની તમામ પ્રવૃત્તિઓ પ્રભાવિત થવા લાગે છે. પછી તમે ઇન્ટ્રાક્રેનિયલ હેમરેજ અથવા સેરેબ્રલ હેમરેજનો શિકાર બની શકો છો.
આવી સ્થિતિમાં જો ત્રણ કે ચાર મિનિટથી વધુ સમય માટે ઓક્સિજનની ઉણપ રહે છે, તો મગજના કોષો સંપૂર્ણપણે મૃત્યુ પામે છે. જેના કારણે ચેતા કોષો અને તેમના દ્વારા નિયંત્રિત કાર્યોને પણ નુકસાન થાય છે, જેના કારણે શરીરમાં આ સમસ્યાઓ થાય છે.
શરીરના કોઈપણ ભાગમાં લકવો
શરીરના કોઈપણ ભાગની નિષ્ક્રિયતા અથવા નબળાઇ
ખાવા-પીવામાં તકલીફ
દ્રષ્ટિ પ્રભાવિત થવી
બોલાયેલા અથવા લખેલા શબ્દો બોલવામાં અથવા સમજવામાં મુશ્કેલી
મૂંઝવણ અને યાદશક્તિમાં ઘટાડો થવો
હુમલા અને માથાનો દુઃખાવો થવો
આવા કારણોમાં ક્યારેક વ્યક્તિનું મૃત્યુ પણ થઈ શકે છે
બ્રેઈન હેમરેજથી કેવી રીતે બચશો - બ્રેઈન હેમરેજથી બચવા માટે સૌથી પહેલા તમારા બીપીને સંતુલિત રાખો. ખાસ કરીને જો તમે હાઈ બીપીના દર્દી હોવ. બીજું હાઇ કોલેસ્ટ્રોલને નિયંત્રિત કરો અને વધારાનું વજન ઓછું કરો. દારૂનું સેવન મર્યાદિત કરો અને ધૂમ્રપાન બંધ કરો. સ્વાસ્થ્યપ્રદ આહાર પણ લો અને નિયમિત કસરત કરો. જો તમને ડાયાબિટીસ હોય તો તમારી સુગર કંટ્રોલ કરો.
નોંધ : આ માહિતી ઇન્ટરનેટ પર ઉપલબ્ધ ધારણાઓ અને માહિતી પર આધારિત છે. OneIndia Gujarati આ લેખ સંબંધિત કોઈપણ ઇનપુટ અથવા માહિતીની ચકાસણી કરતું નથી. કોઈપણ માહિતી અને ધારણાઓ પર કાર્ય કરતા પહેલા અથવા લાગુ કરતા પહેલા સંબંધિત નિષ્ણાતની સલાહ લેવી જરૂરી છે.
Click it and Unblock the Notifications
Sign in with Google
