છાશ વિથ છગનમાં આજે છગન સામે રજનીકાંત

કોફી વિથ કરણથી પ્રભાવિત થઇ આપણા છગનભાઇએ ગુજરાતી પ્રોગ્રામ બનાવ્યો છાશ વિથ છગન. હા તો પ્રોગ્રામ ચાલુ થયો છગનલાલના હાથમા છાશ લઇ બેઠા છે સનસનાટ સવાલો કરવા અને એમની સામે સવાલો ના જવાબ આપવા બેઠા છે સુપરસ્ટાર રજનીકાંત.

છગનલાલ: રજનીભાઇકાંત આ પ્રોગ્રામમાં તમારું હાર્દીક સ્વાગત છે લ્યો છાસનો ઘૂંટડો.....હા મારો તમોન હઉથી પેલા સવાલ ઇ સે કે તમારું નામ રજની ચમ રીતે પડ્યું??

રજનીકાંત: હે !! છગન માઇન્ડ યોર લેન્ગ્વેજ નોટ જસ્ટ રજની..ઇટ્સ રજનીકાંત

છગનલાલ: અરે ભઇ!! સાબ તમે તો ગુસ્સે થૈ ગ્યા. હારુ લ્યો રજનીકાંત ભાઇ કીધા બસ હવે તો કહી દો ?

રજનીકાંત : (રજનીકાંત ચશ્મા ની સ્ટાઇલ મારી ને બોલ્યા)કારણ કે મારો જન્મ રાત્રે થયો હતો એટલે પિતાજી એ નામ રાખી દીધું રજનીકાંત....

છગનલાલ : હા.....તમો તાણ રજનીભાઇ તમે કાળા સો હવ મન ખબર પડી ..મારુ હારુ હુ ઇમ વિચારતો તો કે આ રજનીભાઇ આટલા મોટા સુપરસ્ટાર થઇ ન કાળા ચમ સી....

રજનીકાંત: ( ગુસ્સામાં ) એ છગન બહુ બડ બડ કર નહીં .તુ જ બતાવ તારુ નામ છગન કેમ રાખ્યું.

છગનલાલ: એમો એવુ સે ને રજનીકાંતભાઇ કે જે દાડે હુ પેદા થ્યો ને ઇ દાડે છ બંદુક એટલે કે અંગ્રેજી મા ગન જેટ્લો સામે ની દિવાલ મા ખાડો પડી ગયો અને એટલે બાપાને થયુ કે મારો બેટો "છ "બંદુક જેવી તાકાત ધરાવે છે એટલે મારુ નામ પાડ્યુ છગન.....ચમ બરોબર છે ને રજનીકાંત ભાઇ પીઓ છાસ નો ઘૂંટડો .

રજનીકાંત: એ..એ..છગનલાલ ..બસ હવે બહુ ફેક નહીં...

છગનલાલ: તે રજનીભાઇકાંત તમે પણ ફેકવા માંતો બાકી રાખતા નથી હો....એક હાથ ભમાવો સો ને દહ જણા ફેકાઇ જાય એ ગપ્પુ નહીં તો સુ હાચુ સે..???? હેડો તમારી યે ચુપ ને મારી પણ ચુપ .

મારો બીજો સવાલ એ સે કે આ ઉંમરે તમને પિક્ચરમાં લે સે ઇ નો હુ રાજ સે....

રજનીકાંત:..હં.હં છગનલાલ આ કોન્ફીડેન્શિયલ વાત છે ઠીક છે તે પુછ્યુ છે તો કહી દઉ છુ..મારી સફળતા નો રાજ છે મારી વીગ અને મેકઅપ યાર..આ બન્ને હોય ત્યારે મારી ઉંમર જ ક્યાં દેખાય છે..???

છગનલાલ: ઓ કે મારો ત્રિજો સવાલ ઇ સે રજનીકાંતભઇ કે રોબોટ બનાયુ ત્યારે તેના ઓફ સ્ક્રીન એસ્વર્યા તમો ને સુ કહી ને બોલાવતી ..??? ઉભા રો મારી પાસે ઓપ્શન છે..રજનીભાઇ ,રજનીકાકા, રજનીદાદા કે રજનીભા..????
પીઓ છાસ નો ઘુંટડો ને ગમે તે એક સીલેક્ટ કરો..???

રજનીકાંત: (ગુસ્સામાં લાલચોળ થઇ બોલ્યો ) છગનીયા..!!!!મરી ગ્યો સમજ જે......

છગનલાલ: ઓ કે ગુસ્સે ના થાઓ ભઇ સાબ હમજી ગ્યો આપેલા ઓપ્શન મા થી એક પણ નઇ

છાશ ખતમ થઇ ગઇ સારુ રજનીભાઇકાંત તમે અમારા આ પ્રોગ્રામ મા આવ્યા તે બદલ આપનો ખુબખુબ આભાર...ભુલચુક થઇ હોય તો માફ કરજો ના માફ કરો તો જે થાય તે તોડી લેજો......
તો આ હતો છગનલાલ નો પ્રોગ્રામ છાશ વિથ છગન જો આપને ગમે તો છાશ નો એક ઘૂંટ તમે પણ મારજો.....