For Quick Alerts
ALLOW NOTIFICATIONS  
For Daily Alerts
Oneindia App Download

વર્ષ 2013ની સૌથી વધુ કમાણી કરનાર ફિલ્મ બનતી ધૂમ 3

|
Google Oneindia Gujarati News

મુંબઈ, 31 ડિસેમ્બર : ગત 20મી ડિસેમ્બરે રિલીઝ થયેલી યશ રાજ બૅનરની ફિલ્મ ધૂમ 3એ માત્ર 11 દિવસમાં જ 211 કરોડની કમાણી કરી લીધી છે. આ સાથે વર્ષાંતે રિલીઝ થયેલી ફિલ્મ ધૂમ 3 વર્ષ 2013ની સૌથી વધુ કમાણી કરનારી ફિલ્મ બની ગઈ છે અને તેથી દરેકની જીભે આમિર ખાનનું જ નામ છે. ધૂમ 3 શાહરુખ ખાન અભિનીત ચેન્નઈ એક્સપ્રેસ તેમજ હૃતિક રોશન અભિનીત ક્રિશ 3 ફિલ્મને સરળતાથી માત કરનાર છે. ચેન્નઈ એક્સપ્રેસે 216 કરોડની કમાણી કરી હતી. આમિર ઉપરાંત ધૂમ 3માં કૅટરીના કૈફ, અભિષેક બચ્ચન અને ઉદય ચોપરા પણ છે.

dhoom-3
ધૂમ 3 ગત 20મી ડિસેમ્બરે દેશના ચાર હજાર થિયેટરોમાં રિલીઝ થઈ હતી. ફિલ્મ નિર્માતા કમ્પની યશ રાજ ફિલ્મ્સ દ્વારા આ ફિલ્મ સો કરોડના ખર્ચે બનાવવામાં આવી છે. મલ્ટીમીડિયા કંબાઇન્સના રાજેશ થડાણીએ મીડિયાને જણાવ્યું કે ફિલ્મના હિન્દી સંસ્કરણે જ આખા દેશમાં અત્યાર સુધી 211 કરોડની કમાણી કરી લીધી છે. બીજી ભાષાઓમાં તેની કમાણી લગભગ 10 કરોડ રુપિયા છે. થડાણીએ જણાવ્યું - વિદેશોમાં પણ ફિલ્મે સારી કમાણી કરી છે. વિદેશોમાં તેની કમાણીનો આંકડો 100 કરોડ સુધી પહોંચી ગયો છે. આમ સરવાળે ધૂમ 3 ફિલ્મ 300 કરોડની કમાણી કરી ચુકી છે.

મુક્તા આર્ટ્સના સંજય ઘઈએ જણાવ્યું - મને પુરતો વિશ્વાસ છે કે ધૂમ 3 ભારતમાં 300 કરોડની કમાણી કરવામાં સફળ રહેશે, કારણ કે ફિલ્મના પ્રદર્શનમાં અત્યાર સુધી કોઈ પણ પ્રકારની ખામી જણાઈ નથી. જોઇએ આમિર ખાનની ધૂમ 3 300 કરોડના આંકડે પહોંચે છે કે કેમ? ફિલ્મમાં આમિર ખાન ડબલ રોલમાં છે, તો અભિનેતા તરીકે ઉદય ચોપરાની આ છેલ્લી ફિલ્મ છે.

English summary
The makers of 'Dhoom 3' have found the pot of gold with the fast-paced action thriller. The Hindi box office business of the Aamir Khan-starrer has reached Rs.211 crore and, looking at its pace, trade pundits predict it will soon cross the benchmark set Chennai Express.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X