બૉલીવુડ ગાયક-સંગીતકારોએ પંચમ દાને આપી ભાવભીની શ્રદ્ધાંજલિ

Updated: Wednesday, February 4, 2015, 11:36 [IST]

મુંબઈ, 28 જૂન : આત્મીય સંગીતના જાદુગર આર ડી બર્મન આજે પણ લોકોના હૃદયમાં જીવે છે. ગઈકાલે સંગીતકાર આર. ડી. બર્મન ઉર્ફે પંચમ દાની 75મી જન્મ જયંતી હતી અને આ પ્રસંગે બૉલીવુડના આજના જાણીતા ગાયકો અને સંગીતકારોએ તેમને ભાવભીની શ્રદ્ધાંજલિ અર્પી હતી.

પંચમ દાને શ્રદ્ધાંજલિ આપવા માટેની ઇવેંટમાં બૉલીવુડના અનેક જાણીતા ગાયકો અને સંગીતકારો પહોંચ્યા હતાં કે જેમાં ખાસ તો સોનૂ નિગમ, મિથુન, અન્નુ મલિક, સુદેશ ભોસલે, શાન, સલીમ મર્ચંટ, નિખિલ દ્વિવેદી, હિમેશ રેશમિયા, લલિત પંડિત, અભિજીત વિગેરે હાજર રહ્યા હતાં અને સૌએ પંચમ દાને યાદ કર્યા હતાં.

ચાલો જોઇએ તસવીરો સાથે વધુ વિગતો :

અભિજીત

રાહુલ દેવ એટલે કે આર. ડી. બર્મનનો જન્મ 27મી જૂન, 1939ના રોજ થયો હતો. સંગીત તો તેમને પિતા એસ. ડી. બર્મન પાસેથી વારસામાં મળ્યુ હતું.

અન્નુ મલિક

પશ્ચિમી સંગીતને ભારતીય સંગીતમાં મિક્સ કરી રજુ કરનાર પંચમ દાએ એકથી ચડિયાતી એક ધુનો બનાવી છે.

હિમેશ રેશમિયા

તેમાં ચુરા લિયા હૈ તુમને જો દિલ કો... થી લઈ 1942 ઍ લવ સ્ટોરી ફિલ્મના ગીતોનો પણ સમાવેશ થાય છે.

લલિત પંડિત

આર. ડી. બર્મનના પત્ની અને પ્રસિદ્ધ ગાયિકા આશા ભોંસલે પણ વારંવાર કહેતા આવ્યાં છે કે સંગીતના કારણે જ તેમના અને આર. ડી. વચ્ચે પ્રેમ પાંગર્યો.

મિથુન

1994માં માત્ર 54 વરસની ઉંમરે આર. ડી. બર્મને ફાની દુનિયાને અલવિદા કહી, પરંતુ આજે પણ તેમના સંગીતમાં દરેક પળે તેમને અનુભવી શકાય છે. વનઇન્ડિયા પણ પંચમ દાને શ્રદ્ધાંજલિ અર્પે છે.

નિખિલ દ્વિવેદી

પંચમ દાને યાદ કરતા તેમના ફૅન્સ કહે છે કે આજે પણ તેમની કોઈ પણ પાર્ટી પંચમ દા દ્વારા સંગીતબદ્ધ કરાયેલ ગીતો વગર પૂરી નથી થતી. તેમની ધુનોમાં કમાલનો જાદુ છે.

સલીમ મર્ચંટ

તેના કારણે આજે પણ લોકોના દિલોમાં તેઓ જીવે છે. તેમના સંગીતની અસરનો અનુમાન આપ આ જ વાતથી કરી શકો કે તેમના બનાવેલ ગીતો પર મોટેરા જ નહીં, પણ નાના ભુલકાઓ પણ થિરકે છે.

શાન

એમ કહેવામાં અતિશ્યોક્તિ નથી કે પંચમ દા ઉપર માતા સરસ્વતીનું સાક્ષાત્ વરદાન હતું.

સોનૂ નિગમ

બૉલીવુડ અભિનેતા અમિતાભ બચ્ચને સંગીતકાર રાહુલ દેવ બર્મન એટલે કે પંચમ દાની ગત વર્ષે 74મી જન્મ જયંતીએ તેમને યાદ કરતાં જણાવ્યું હતુ કે પંચમ દાના જીવનના છેલ્લા વર્ષો દુઃખમાં વીત્યાં.

સોનૂ નિગમ

બિગ બીએ પોતાના બ્લૉગ ઉપર લખ્યું હતું - પંચમ દાને લાગતુ હતું કે સિનેમા જગતે તેમની પ્રતિભાની કદર ન કરી અને તેમને પુરતી તકો ન આપી. પંચમ દા પોતાના સમયના એકલા સંગીતકાર હતાં કે જે તે દોરમાં ઉપલબ્ધ તમામ પ્રકારના વાદ્ય યંત્રો વગાડવા જાણતા હતાં.

સોનૂ નિગમ

1961માં મહેમૂદની ફિલ્મ છોટે નવાબથી સંગીતકાર તરીકે કૅરિયર શરૂઆત કરતાં જ તેમણે હિન્દી ફિલ્મ સંગીત ક્ષેત્રે ક્રાંતિ લાવી હતી.

સુદેશ ભોસલે

આર ડી બર્મન દ્વારા નિર્મિત લોકપ્રિય ગીતોમાં તીસરી મંજિલના ગીત આજા આજા મૈં હૂં પ્યાર તેરા...થી લઈ કુદરતના ગીત હમેં તુમસે પ્યાર કિતના... પડોસનના ગીત એક ચતુર નાર... અને આંધીના તેરે બિના જિંદગી સે...નો સમાવેશ થાય છે.

Bollywood Singers Pays Tribute to RD Burman on his 75th Birth Anniversary

બર્મને છેલ્લી વાર 1942 ઍ લવ સ્ટોરી ફિલ્મમાં સંગીત આપ્યું કે જે તેમના નિધન બાદ રિલીઝ થઈ હતી.

Bollywood Singers Pays Tribute to RD Burman on his 75th Birth Anniversary

અમિતાભ બચ્ચને બર્મનને યાદ કરતાં લખ્યુ હતું - પોતાના બેજોડ સંગીત અને સુંદર યાદો પાછળ છોડી એક દિવસ અચાનક તેઓ ફાની દુનિયા છોડી ચાલ્યા ગયાં. તેમનું સંગીત કાયમ આપણી યાદોમાં વસેલું રહેશે.