Pics : ડી ડેમાં પડકારજનક ભૂમિકા : શ્રુતિ હસન

Updated: Monday, June 24, 2013, 12:40 [IST]

મુંબઈ, 10 જૂન : દક્ષિણ ભારતીય ફિલ્મોના મહાનાયક કમલ હસનના પુત્રી શ્રુતિ હસન કહે છે કે તેઓ ડી ડેમાં કામ કરવાની તક હાથમાં સરી જવા દેવા નહોતા માંગતા, કારણ કે આ તેમની અત્યાર સુધીની સૌથી પડકારજનક ભૂમિકા છે.

રમૈયા વસ્તાવૈયા ફિલ્મ બાદ ડી ડે ફિલ્મ પામનાર 27 વર્ષીય શ્રુતિ આ વાતથી ખુશ છે કે તેમને નિખિલ અડવાણી દિગ્દર્શિત ફિલ્મમાં કામ કરવાની તક મળી. તેઓ કહેછે - જ્યારે મારી પાસે આ ઑફર આવી, ત્યારે હું ઇનકાર ન કરી શકી. મારા માટે અત્યાર સુધીની સૌથી પડકારજનક ભૂમિકા હતી. હું ખુશ ચું કે હું પણ ડી ડે ફિલ્મનો ભાગ છું.

શ્રુતિ હસને 2009માં લક ફિલ્મ સાથે બૉલીવુડ કૅરિયરની શરુઆત કરી હતી. ડી ડેમાં તેઓ અર્જુન રામપાલના નાયિકા તરીકે દેખાશે. તેમણે જણાવ્યું - ફિલ્મમાં મારૂં પાત્ર ખૂબ જ સંવેદનશીલ છે. અર્જુને પણ મદદ કરી. અર્જુન રામપાલ બહુ જ સારા કલાકાર અને સારા માણસ છે. ડી ડે ફિલ્મમાં ઇરફાન ખાન, હુમા કુરૈશી તથા ઋષિ કપૂર પણ મહત્વની ભૂમિકામાં છે. ફિલ્મ 19મી જુલાઈએ રિલીઝ થશે.

બે રૉ એજંટોની વાર્તા

નિખિલ અડવાણીની ડી ડે ફિલ્મમાં બે ભારતીય રૉ એજંટોની વાર્તા છે. આ એવા બે રૉ એજંટો છે કે જેમને ભારત સરકાર દ્વારા એક અંડરવર્લ્ડ ડૉનને લાવવા માટે પાકિસ્તાન મોકલવામાં આવે છે.