દબંગ 2 ટ્રેલર : હમ અહિંસાવાદી થાનેદાર હૈં...
મુંબઈ, 12 નવેમ્બર : સલમાન ખાનની એક થા ટાઇગર ફિલ્મ બાદ તેમની અત્યાર સુધીની મોસ્ટ અવેટેડ ફિલ્મ દબંગ 2નું ઑફિશિયલ ટ્રેલર શનિવારે રાત્રે જ સલમાન ખાને પોતાના ઑફિશિયલ ફેસબુક આઈડી પર પોસ્ટ કર્યું. આ વખતે આ ફિલ્મની ટૅગલાઇન છે ફેટ લવ્સ ફિયરલેસ. એટલે કે કિસ્મત તેમને જ પસંદ કરે છે કે જેઓ કોઈનાથી ડરતાં નથી. ફિલ્મમાં સલમાન ખાન ફરી એક વાર ચુલબુલ પાન્ડે સ્વરૂપે નજરે પડે છે.
આ ટ્રેલરમાં સ્પષ્ટ રીતે દર્શાવાયું છે કે દબંગની સિક્વલ દબંગ 2 ફિલ્મમાં અગાઉ કરતાં વધુ એક્શન છે, રોમાંસ છે અને સલમાન ખાનની સ્ટાઇલ છે. ફિલ્મમાં સલમાન ખાનના અનેક બહેતરીન ડાયલૉગ છે કે જેમાનાં કેટલાંક આમ છે - હમ એક અહિંસાવાદી થાનેદાર હૈં. ગોલી તો ક્યા, હમ કિસી કો ગાલી તક નહીં બકતે. માઁ કી ઝૂઠી કસમ નહીં ખાતે, ઝૂઠિયા સાલા.
દબંગ 2નું ટ્રેલર થિયેટરોમાં સન ઑફ સરદાર ફિલ્મ સાથે 13મી નવેમ્બરે રિલીઝ કરાશે. સલમાન અને સોનાક્ષી સિન્હા એક સાથે ખૂબ જામે છે. આ વખતે પણ દબંગની જેમ જ સલમાન ખાને ખૂબ દબંગાઈ દેખાડી છે. સાથે જ સોનાક્ષી સિન્હા પણ બહેતર લાગે છે. અરબાઝ ખાન તેમજ મલાઇકા અરોરા ખાન દ્વારા નિર્મિત દબંગ 2 વર્ષ 2010માં રિલીઝ થયેલ દબંગની સફળતાનો ઇતિહાસ દોહરાવવા પૂર્ણત્વે તૈયાર છે.
આ સિક્વલની ખાસ વાત એ છે કે ફિલ્મમાં કરીના કપૂરે એક મસ્ત ફેવીકૉલ આયટમ સૉંગ કર્યું છે. ગઈ વખતે મલાઇકાના ગીત મુન્ની બદનામે દબંગને ખૂબ લોકપ્રિયતા બખ્શી હતી અને આ વખતે ફેવીકૉલ સૉંગથી કરીના બૉક્સ ઑફિસે દબંગ 2ની સફળતાને મજબૂત કરશે. હવે જોઇએ કે શું દબંગ 2 સલમાનની અત્યાર સુધીની સૌથી હિટ ફિલ્મ એક થા ટાઇગરની સફળતાને આંબી શકશે કે નહિં?