દિલ્હી પોલીસે જેકલીન ફર્નાન્ડીઝની 8 કલાક પૂછપરછ કરી, જાણો પુછપરછમાં શું સામે આવ્યુ?
બોલિવૂડ અભિનેત્રી જેકલીન ફર્નાન્ડીઝને બુધવારે સુકેશ ચંદ્રશેખર મની લોન્ડરિંગ કેસમાં સમન્સ પાઠવવામાં આવ્યુ હતું, જેના પગલે અભિનેત્રી દિલ્હી પોલીસની આર્થિક ગુના શાખા સમક્ષ હાજર થઈ હતી.
નવી દિલ્હી : બોલિવૂડ અભિનેત્રી જેકલીન ફર્નાન્ડીઝને બુધવારે સુકેશ ચંદ્રશેખર મની લોન્ડરિંગ કેસમાં સમન્સ પાઠવવામાં આવ્યુ હતું, જેના પગલે અભિનેત્રી દિલ્હી પોલીસની આર્થિક ગુના શાખા સમક્ષ હાજર થઈ હતી. અભિનેત્રી સવારે 11.30 વાગ્યે EOW ઓફિસ પહોંચી, જ્યાં આઠ કલાકથી વધુ સમય સુધી પૂછપરછ કર્યા બાદ તેને ત્યાંથી ઘરે જવા દેવાઈ હતી.
હવે આ અધિકારીઓ ફરીથી પૂછપરછ કરશે
મળતી માહિતી મુજબ, EOW અધિકારીઓ એકબીજા સાથે ચર્ચા કરશે કે અભિનેત્રીને પૂછપરછ માટે બોલાવવી જોઈએ કે નહીં. અહેવાલ છે કે અભિનેત્રીને ગુરુવારે ફરીથી પૂછપરછ માટે બોલાવવામાં આવી નથી. આજે યોજાનાર સત્રથી વરિષ્ઠ અધિકારીઓ જેકલીનના જવાબો પર એકબીજા સાથે ચર્ચા કરશે. તે પછી તેઓ નક્કી કરશે કે જેકલીનને ફરીથી પૂછપરછ માટે બોલાવવી કે નહીં.
આ બાબતે પુછપરછ થઈ
રવિન્દ્ર યાદવ સ્પેશિયલ સીપીએ જણાવ્યું કે અમારી ટીમે લાંબી તપાસ કરી છે. અમે મકોકા કેસમાં તેમની પૂછપરછ કરી છે. જેક્લીને સુકેશ પાસેથી કઈ રીતે ગિફ્ટ લીધી? તમે તેમનો ઉપયોગ કેવી રીતે કર્યો? તે અંગે પણ પૂછપરછ હાથ ધરાઈ હતી. પિંકી ઈરાનીએ તમામ અભિનેત્રીઓને સુકેશ સુધી પહોંચાડવામાં મુખ્ય ભૂમિકા ભજવી છે.
પિંકીને પણ ફરીથી બોલાવાઈ
તેમણે કહ્યું કે, પિંકીએ આ ગિફ્ટ આપવામાં મધ્યસ્થી કરી હતી. કેટલીક વસ્તુઓ બાકી છે જેના માટે અમે તેમને ફરીથી કૉલ કરીશું. પિન્કીને પણ ફરીથી બોલાવવામાં આવશે, નિવેદનના આધારે ચર્ચા કર્યા પછી જ કોઈ નિષ્કર્ષ પર પહોંચી શકાશે.
#WATCH | Actor Jacqueline Fernandez leaves from the EOW office in Delhi after over 8 hours of questioning
— ANI (@ANI) September 14, 2022
She was summoned in the conman Sukesh Chandrashekhar money Laundering case pic.twitter.com/mJ8mmz4Pmp
પિંકીએ જેકલીનનો પરિચય કરાવ્યો હતો
પૂછપરછ પૂરી થયા બાદ અભિનેત્રી પોતાની કારમાં EOW ઓફિસથી બહાર જતી જોવા મળી હતી. જણાવી દઈએ કે જેકલીન ફર્નાન્ડીઝ શ્રીલંકાની નાગરિક છે. 200 કરોડના મની લોન્ડરિંગ કેસમાં ત્રીજું સમન જારી થયા બાદ અભિનેત્રી તપાસમાં જોડાઈ હતી. પૂછપરછ દરમિયાન જેકલીનની સાથે પિંકી ઈરાની પણ હતી, જેણે કથિત રીતે જેકલીનનો પરિચય સુકેશ ચંદ્રશેખર સાથે કરાવ્યો હતો.