બીજાનું સારૂં કરનારને પોતાના માટે સમય નથી મળતો

Published: Saturday, December 8, 2012, 18:03 [IST]

મુંબઈ, 8 ડિસેમ્બર : બૉલીવુડના હી મૅન તરીકે જાણીતાં એક્ટર ધર્મેન્દ્ર એટલે કે ધર્મેન્દ્ર સિંહ દેઓલનો આજે 77મો જન્મ દિવસ છે. તાજેતરમાં જ ધર્મેન્દ્રે ટ્વિટ કર્યુ હતું કે તેઓ સાઉથ આફ્રિકા જઈ રહ્યાં છે. શક્ય છે કે તેઓ પોતાનો જન્મ દિવસ હાલ સાઉથ આફ્રિકામાં જ ઉજવતાં હોય. ધર્મેન્દ્ર ફિલ્મ ઇન્ડસ્ટ્રીના એક હૅન્ડસમ અભિનેતા રહ્યાં છે. તેમણે પોતાની એક્ટિંગના બળે લાખો દિલો પર રાજ કર્યું છે. તેમની રોમાન્ટિક ફિલ્મો તો આજે પણ લોકોને ખૂબ ગમે છે.

સને 1960માં દિલ ભી તેરા હમ ભી તેરે ફિલ્મ સાથે બૉલીવુડમાં પોતાનું કૅરિયર શરૂ કર્યા પછી આજ સુધી ધર્મેન્દ્ર એક્ટિંગની દુનિયામાં જામેલા જ છે. ધર્મેન્દ્ર આજકાલ નાના પડદે પણ જજ તરીકે દેખાય છે. ઇન્ડિયા ગૉટ ટૅલેંટની છેલ્લી અનેક સીઝનમાં ધર્મેન્દ્ર જજ તરીકે દેખાયાં છે. એક્ટિંગ સાથે જ તેઓ રાજકારણમાં રહ્યાં છે. ધર્મેન્દ્રની હિટ ફિલ્મોમાં ફૂલ ઔર પત્થર, બંદિની, સીરત, અનપઢ, પૂજા કે ફૂલ, આયી મિલન કી બેલા, શોલે, કાજલ, મૈં ભી લડકી હૂં, ધરમવીર, રાજા જાની, શોલે, જુગનૂ, દોસ્ત, ચરસ, શરારત, ગુલામી, પત્થર ઔર ફૂલ, મેરા ગાંવ મેરા દેશ, યાદોં કી બારાત, રેશમ કી ડોરી, આયે દિન બહાર કે વિગેરેનો સમાવેશ થાય છે.

ધર્મેન્દ્રે બૉલીવુડના ડ્રીમ ગર્લ હેમા માલિની સાથે લગ્ન બાદ પણ પોતાને બૉલીવુડના હીટ હીરો તરીકે જાળવી રાખ્યાં. તેમના બંને પુત્રો સન્ની દેઓલ તેમજ બૉબી દેઓલ પણ બૉલીવુડના જાણીતાં હીરો રહ્યાં છે, પરંતુ ધર્મેન્દ્રની જેમ તેમના પુત્રોને સફળતા મળી નથી. તેમના પુત્રી એશા દેઓલ પણ ખાસ સફળતા મેળવી શકી નહીં. નિર્માતા તરીકે ધર્મેન્દ્રે પોતાના પુત્રો માટે કેટલીક ફિલ્મો બનાવી.