Pics : બૉલીવુડમાં આવે છે વધુ એક ઇમરાન, પણ પાકિસ્તાની

Updated: Monday, June 3, 2013, 16:20 [IST]

મુંબઈ, 3 જૂન : બૉલીવુડમાં ઇમરાન હાશમી અને ઇમરાન ખાન બાદ વધુ એક ઇમરાન એન્ટ્રી કરવા જઈ રહ્યાં છે, પણ આ ઇમરાન પાકિસ્તાની છે. હા જી, પાકિસ્તાનના જાણીતા ટેલીવિઝન એક્ટર તથા મૉડેલ ઇમરાન અબ્બાસ નકવી વિક્રમ ભટ્ટની આગામી ફિલ્મ ક્રીચર 3ડી સાથે બૉલીવુડમાં એન્ટ્રી કરી રહ્યાં છે.

ઇમરાન અબ્બાસ પાકિસ્તાનમાં ખૂબ જ જાણીતા અને લોકપ્રિય થયેલા ટેલીવિઝન નાટક ખુદા ઔર મુહબ્બતમાં બેસ્ટ રોલ કરી ચુક્યાં છે. તેમણે પાકિસ્તાની ફિલ્મ જગત એટલે કે લૉલીવુડમાં અંજુમન ફિલ્મ સાથે એન્ટ્રી કરી હતી કે જેમં તેમની સાથે સારા લૉરેન, સોહા અલી ઍબ્રો તથા એલી ખાન હતાં.

ઇમરાન અબ્બાસ હવે બૉલીવુડમાં એન્ટ્રી કરવા જઈ રહ્યાં છે. ઇમરાન હાશમી અને ઇમરાન ખાન જેવા સરખા નામો વચ્ચે ઇમરાન અબ્બાસ તરીકે સ્થાન જમાવવું તેમના માટે થોડું કપરું હશે, પરંતુ તેમને ભટ્ટ કૅમ્પમાં તક મળી છે એટલે આશાઓ સેવી શકાય છે. વિક્રમ ભટ્ટ દિગ્દર્શિત ક્રીચર ફિલ્મમાં ઇમરાન અબ્બાસ બૉલીવુડ અભિનેત્રી બિપાશા બાસુ સાથે લીડ રોલમાં આવી રહ્યાં છે. બિપાશા આ ફિલ્મમાં એક ખેલાડી તરીકે નજરે પડનાર છે.

આવો જોઇએ ઇમરાન અબ્બાસની તસવીરી ઝલક.