Memorable Moments : રજ્જોથી કંટાળી ગયો છે ચુલબુલ પાન્ડે? સોનમની લૉટરી લાગી!

Updated: Tuesday, August 19, 2014, 12:46 [IST]

મુંબઈ, 19 ઑગસ્ટ : બૉલીવુડ અભિનેતા સલમાન ખાન પોતાની આગામી ફિલ્મ પ્રેમ રતન ધન પાયોમાં સોનમ કપૂર સાથે દેખાશે. રાજશ્રી પ્રોડક્શનની આ ફિલ્મ સૂરજ બરજાત્યા બનાવી રહ્યાં છે.

જોકે સૂરજની પહેલી પસંદ સલમાન ખાનની દબંગ ફિલ્મની હીરોઇન સોનાક્ષી સિન્હા હતી, પણ કહે છે કે સલ્લુ ભાઈએ સૂરજ બરજાત્યાને સોનાક્ષીને કાસ્ટ ન કરવાની સલાહ આપી અને આમ સોનમની પસંદગી થઈ.

સલમાન ખાન અને સોનાક્ષી સિન્હાએ દબંગ સિરીઝમાં જોડી બનાવી હતી અને લોકોને આ જોડી ગમી પણ હતી. એટલે જ પ્રેમ રતન ધન પાયોના દિગ્દર્શક સૂરજ આ ફિલ્મમાં સોનાક્ષીને લેવા માંગતા હતાં, પરંતુ કહે છે કે સલમાન ખાન ફ્રેશ જોડી ઇચ્છતા હતાં અને એટલે જ તેમણે સૂરજને સલાહ આપી કે એવી હીરોઇનની પસંદગી કરો કે જેની સાથે મારી કોઈ ફિલ્મ ન આવી હોય.

તો શું આપણે એમ સમજીએ કે સલમાન ખાન એમ વિચારે છે કે તેમના ફૅન્સ સોનાક્ષી સિન્હા સાથેની તેમની જોડી જોઈને કંટાળી ગયા છે? કે પછી સલમાન પોતે સોનાક્ષીથી કંટાળ્યાં છે?

જોકે સલમાન-સોનાક્ષીની જોડી હિટ જોડીઓમાંની એક છે. તે જોવું રસપ્રદ રહેશે કે ફૅન્સ સલમાન-સોનમની જોડી અંગે કેવા પ્રત્યાઘાત આપે છે. સલમાન એમ પણ નવી-નવી જોડીઓ બનાવવામાં માહેર છે. તેમની છેલ્લી ફિલ્મ કિક પણ જૅકલીન ફર્નાન્ડીઝ સાથે નવી જોડી લઈને આવી હતી.

ચાલો જોઇએ સલમાન-સોનાક્ષીની દબંગ સિરીઝમાં હૉટ કેમિસ્ટ્રી દર્શાવતી તસવીરો :