સલમાન સાથે ‘કિક’ મારવા તૈયાર જૅકલીન
મુંબઈ, 2 જુલાઈ : જૅકલીન ફર્નાન્ડીઝ બૉલીવુડના દબંગ સલમાન ખાન સાથે કિક મારવા તૈયાર છે. જૅકલીન કિક ફિલ્મ માટે આ માસના અંતે શૂટિંગ શરૂ કરશે અને તેઓ તે અંગે ખૂબ જ એક્સાઇટેડ છે.
રમૈયા વસ્તાવૈયા ફિલ્મમાં આવી રહેલાં જૅકલીન ફર્નાન્ડીઝે જણાવ્યુ કે તેઓ સલમાન ખાન સાથે આ માસના અંતે કિક ફિલ્મનું શૂટિંગ શરૂ કરી દેશે. તેમણે જણાવ્યું કે ફિલ્મનો પ્રથમ તબક્કો બ્રિટન ખાતે શૂટ કરવામાં આવશે અને તે અંગે ખૂબ જ ઉત્સાહિત છે.
મળતી માહિતી મુજબ સલમાન ખાનની ફિલ્મ કિક આવતા વર્ષે રિલીઝ થવાની છે. કિક 2009માં આવેલી તેલુગુ બ્લૉકબસ્ટર ફિલ્મ કિકની રીમેક છે. હિન્દીમાં પણ તેનું નામ કિક જ રાખવામાં આવ્યું છે. ફિલ્મનું નિર્માણ અને દિગ્દર્શન સાજિદ નડિયાદવાલા કરી રહ્યાં છે.
Click it and Unblock the Notifications
Sign in with Google
