રાઉડી રાઠોડ કરતાં વધુ રાઉડી ખિલાડી 786

મુંબઈ, 8 ડિસેમ્બર : અક્ષય કુમારની આ વરસની મોસ્ટ અવેટેડ ફિલ્મ ખિલાડી 786 ગત 7મી ડિસેમ્બરના રોજ રિલીઝ થઈ અને ફિલ્મ જોયા બાદ ફિલ્મ સમીક્ષકો સાથે અક્ષય કુમારના ફૅન્સે પણ મિશ્ર પ્રત્યાઘાત આપ્યાં છે, પરંતુ આ પ્રત્યાઘાતોના પગલે ફિલ્મના બિઝનેસ પર કોઈ પણ પ્રકારની ઉણ જોવા મળી નથી. અસીન અને અક્ષયની ફિલ્મ ખિલાડી 786એ પ્રથમ જ દિવસે તમામ કસોટીએ પાર ઉતરી કુલ 16 કરોડનો બિઝનેસ કર્યો.

ખિલાડી 786 ફિલ્મે આ શાનાર ઓપનિંગ સાથે જ અક્ષયની આ વરસની શરુઆતે આવેલ ફિલ્મ રાઉડી રાઠોડનો રેકૉર્ડ પણ તોડી નાંખ્યો. ખિલાડી 786 કુલ 2785 સ્ક્રીન્સમાં રિલીઝ કરાઈ હતી અને ભારતમાં સિંગલ સ્ક્રીન્સ ઉપર તેને ખૂબ સારો રિસ્પૉન્સ મળ્યો. આ મસાલા ફિલ્મે શુક્રવારના રોજ સિંગલ સ્ક્રીન્સ પર કુલ 90 ટકાની હાજરી નોંધાવી. જોકે મલ્ટીપ્લેક્સિસમાં આ ફિલ્મ જોવા વધારે લોકો પહોંચ્યા નહીં, પરંતુ આમ છતાં ફિલ્મના બિઝનેસ ઉપર તેની વધુ અસર થઈ નથી.

સાંજે અને રાત્રે ફિલ્મના ઑડિયંસની સંખ્યા ખૂબ વધી ગઈ. આ વર્ષે અક્ષય કુમારની રાઉડી રાઠોડે પ્રથમ જ દિવસે 15.10 કરોડનો બિઝનેસ કર્યો હતો, પરંતુ અક્ષયની ગત શુક્રવારે રિલીઝ થયેલ ખિલાડી 786 ફિલ્મે પ્રથમ જ દિવસે 15.55 કરોડનો બિઝનેસ કરી આ રેકૉર્ડ તોડી નાંખ્યો.

English summary

Khiladi 786, the Akshay Kumar and Asin starrer, might have opened to a mixed reviews from film critics, but they did not deffer Khiladi film from getting fantastic response from the viewers. The film has collected Rs 16 crores nett on the first day.