Sad News : ગીતકાર સંતોષ આનંદના પુત્રનો પત્ની સાથે આપઘાત

Updated: Thursday, October 16, 2014, 14:41 [IST]

નવી દિલ્હી, 16 ઑક્ટોબર : ગીતકાર સંતોષ આનંદના પુત્ર અને વહુએ રેલવે ટ્રૅકે પડતુ મૂકી આત્મહત્યા કરી લીધી. બંનેએ ગઈકાલે મથુરાના કોસી કલાં વિસ્તારમાં આપઘાત કર્યો.

પ્રત્યક્ષદર્શીઓના જણાવ્યા મુજબ દિલ્હીથી આગરા જતી ઇંટર સિટી એક્સપ્રેસ સામે કુદકો મારી બંનેએ આપઘાત કર્યો. આ બનાવમાં તેમની સાત વર્ષીય દીકરી ગંભીર રીતે ઘવાઈ છે.

મળતી માહિતી મુજબ વ્યવસાયે લેક્ચરર 38 વર્ષીય સંકલ્પ પોતાની પત્ની નંદિની સાથે કારમાં બેસી અહીં પહોંચ્યા અને તેમણે ટ્રેન આગળ કુદકો લગાવી આત્મહત્યા કરી લીધી. કારમાંથી મળેલ આઈ કાર્ડ તથા ડ્રાઇવિંગ લાયસંસ વડે બંનેની ઓળખ થઈ શકી. પોલીસને કારમાંથી દસ પાનાની સુસાઇટ નોટ મળી છે. સંકલ્પ દિલ્હીના એક સરકારી સંસ્થાનમાં લેક્ચરર હતાં. સુસાઇડ નોટ મુજબ આર્થિક તંગીના પગલે સંકલ્પ-નંદિનીએ આત્મહત્યા કરી.

કોણ છે સંતોષ આનંદ

સંતોષ આનંદ બૉલીવુડના જાણીતા ગીતકાર છે. તેમણે રોટી કપડા ઔર મકાન, ક્રાંતિ, પ્રેમ રોગ, શોર જેવી જાણીતી ફિલ્મોના ગીતો લખ્યા છે. સંતોષ આનંદના એકના એક દીકરા સંકલ્પ આનંદ દિલ્હીમાં રોહિણી ખાતેની લોકનાયક જયપ્રકાશ નારાયણ નેશનલ ઇંસ્ટીટ્યૂટ ઑફ ક્રિમિનોલૉજીમાં સમાજ શાસ્ત્રના લેક્ચરર હતાં. આ સંસ્થ ગૃહ મંત્રાલય હેઠળ આવે છે. સંકલ્પ પોતાની પત્ની અને દીકરી સાથે મયૂર વિહારમાં રહેતા હતા.

શું કહે છે સુસાઇડ નોટ?

સંકલ્પે દસ પાનાની સુસાઇડ નોટ અંગ્રેજીમાં લખી છે. તેમાં અનેક મોબાઇલ નંબરોનો ઉલ્લેખ છે. તે કોઈ ઠગ ગિરોહના ચંગુલમાં ફસાઈ ગયો હતો કે જે તેને બ્લૅકમેલ કરી રહ્યુ હતું. સંકલ્પ જે સંસ્થાનમાં લેક્ચરર હતો, તેમાં કૌભાંડ થઈ રહ્યો હતો.

સુસાઇટ નોટમાં સંસ્થાનના નિયામક સામે કમાણીનો ઝાંસો આપી આર્થિક શોષણનો આરોપ મૂકવામાં આવ્યો છે. નિયામકે સંતોષને સંસ્થાનમાં નિર્માણ તથા શિક્ષણ માટે અઢી સો કરોડની યોજનાનો પ્રભારી બનાવ્યો હતો અને તેના બદલામાં આર્થિક શોષણ થઈ રહ્યુ હતું.

આ યોજનાના પ્રભારી બનાવાયા બાદ સંકલ્પ જાલસાજોના દળદળમાં ફસતો જતો હતો અને અંતે તેમણે આત્મહત્યાનો રસ્તો જ અપનાવ્યો. સુસાઇડ નોટના દરેક પાને પતિ અને પત્ની બંનેના હસ્તાક્ષર છે. સુસાઇડ નોટમાં રુપિયાના ગબન સાથે-સાથે પોતાના ખોટા પગલા તથા સાથી કર્મચારી-અધિકારી સામે ફસાવવાનો પણ ઉલ્લેખ કરાયો છે.