Oscars 2022: 'સરદાર ઉધમ' અને 'શેરની' થઇ શોર્ટ લિસ્ટેડ, 14 ફિલ્મોમાંથી 2નું નામ ફાઇનલ

કોરોના મહામારીનો સામનો કરી રહેલો દરેક દેશ ધીમે ધીમે તેમાંથી બહાર આવી રહ્યો છે. ભારતમાં પણ હવે કોરોનાને કારણે બંધ થયેલું બજાર વેગ પકડી રહ્યું છે, જેમાં બોલિવૂડનો પણ સમાવેશ થાય છે. જ્યારે લોકડાઉનને કારણે થિયેટરો બંધ હતા, ત્યારે ફિલ્મનું શૂટિંગ પણ અટકી ગયું હતું. જો કે આ દરમિયાન, ફિલ્મો OTT પ્લેટફોર્મ પર રિલીઝ થતી રહી. આવી સ્થિતિમાં ઓસ્કર 2022 માટે શોર્ટલિસ્ટ થયેલી ફિલ્મોમાં 'શેરની' અને 'સરદાર ઉધમ' નું પણ નામ છે.

કોલકાતામાં ફિલ્મ ફેડરેશન ઓફ ઇન્ડિયાની 15 સભ્યોની જ્યુરી 2022 ઓસ્કરમાં ભારતનું પ્રતિનિધિત્વ કરતી ફિલ્મની પસંદગી માટે ગુરુવારે દેશભરમાંથી 14 ફિલ્મો જોઈ રહી છે. આ 14 ફિલ્મોમાંથી વિક્કી કૌશલ અભિનીત 'સરદાર ઉધમ' અને વિદ્યા બાલનની 'શેરની' તેનો ભાગ છે. આ સિવાય યોગી બાબુ અભિનીત તમિલ ફિલ્મ મંડેલા અને માર્ટિન પ્રકટની મલયાલમ ફિલ્મ નયટ્ટુ સહિત અનેક પ્રાદેશિક ફિલ્મો પણ જોવા મળી હતી.

કોલકાતાના ભવાનીપોરના બિજોલી સિનેમામાં 15 સભ્યોની જૂરી આગામી થોડા દિવસોમાં 14 ફિલ્મો જોશે. ફિલ્મ નિર્માતા શાજી એન કરણ જ્યુરીના અધ્યક્ષ છે. 14 ફિલ્મોમાંથી એક ઓસ્કર 2022માં ભારતની સત્તાવાર એન્ટ્રી હશે. મળતી માહિતી મુજબ આ યાદીમાં શેરની અને સરદાર ઉધમ ફિલ્મ આગામી વર્ષના ઓસ્કાર એવોર્ડ માટે પસંદ કરવામાં આવી છે. તમને જણાવી દઈએ કે બંને ફિલ્મો ઓસ્કારની શ્રેષ્ઠ આંતરરાષ્ટ્રીય ફીચર ફિલ્મ શ્રેણી માટે પસંદ કરવામાં આવી છે.

એમેઝોન પ્રાઈમ વિડીયો પર રિલીઝ થયેલ 'સરદાર ઉધમ' ક્રાંતિકારી સરદાર ઉધમ સિંહની બાયોપિક છે, જેમણે પંજાબના તત્કાલીન લેફ્ટનન્ટ ગવર્નર માઈકલ ઓડવાયરની હત્યા કરીને જલિયાવાલા બાગ હત્યાકાંડનો બદલો લીધો હતો. બીજી બાજુ અમિત વી માસૂરકર દ્વારા લખાયેલ 'શેરની' વન અધિકારીની જીવન કથા વર્ણવે છે જેણે દૂરના ગામમાં માણસ ખાતા વાઘને પકડવાનો હોય છે. આ ફિલ્મ માનવ-પ્રાણી સંઘર્ષ તેમજ ભ્રષ્ટાચાર દર્શાવે છે.

94 મો એકેડેમી એવોર્ડ માર્ચ 2022 માં લોસ એન્જલસ, કેલિફોર્નિયામાં યોજાશે. ગયા વર્ષે, લિજો જોસ પેલિસેરીની મલયાલમ ફિલ્મ જલ્લીકટ્ટુ ઓસ્કરમાં ભારત તરફથી મોકલવામાં આવી હતી, જોકે તે શ્રેષ્ઠ આંતરરાષ્ટ્રીય ફીચર ફિલ્મની શોર્ટલિસ્ટમાં સ્થાન મેળવવામાં નિષ્ફળ રહી હતી. તે જ સમયે, કરિશ્મા દેવ દુબેની શોર્ટ ફિલ્મ બિટ્ટુને ઓસ્કરમાં બેસ્ટ લાઇવ એક્શન શોર્ટ કેટેગરીમાં નોમિનેટ કરવામાં આવી હતી. આવી સ્થિતિમાં જોવું રહ્યું કે આ ખાસ ફિલ્મોને ઓસ્કરમાં સ્થાન મળે છે કે નહીં.

English summary

Oscars 2022: 'Sardar Udham' and 'Sherani' shortlisted q q