શાહરુખના ‘મન્નત’ને જન્નત બનાવે છે ગૌરી ખાન : એક નજર...

Updated: Tuesday, September 9, 2014, 11:09 [IST]

મુંબઈ, 9 સપ્ટેમ્બર : શાહરુખ ખાનનું ઘર ગૂગલમાં મોસ્ટ સર્ચ્ડ કી-વર્ડ્સ છે અને હોય પણ કેમ નહીં, તેઓ મુંબઈમાં સૌથી મહત્વના વિસ્તારમાં રહે છે.

હા જી, અમે વાત કરી રહ્યા છીએ બૉલીવુડના કિંગ ખાન ઉર્ફે બાદશાહ ઉર્ફે શાહરુખ ખાનના ઘર મન્નત વિશે. શાહરુખે ઘણી મહેનત કરી છે બૉલીવુડમાં અને એટલે જ આજે તેઓ મન્નત જેવા આલિશાન ઘરના માલિક છે. શાહરુખના આ મન્નતને જન્નત બનાવવામાં મહત્વનો ફાળો છે તેમના પત્ની ગૌરી ખાનનો. મન્નત નામની આ જન્નતમાં શાહરુખ ખાન-ગૌરી ખાન સાથે તેમના ત્રણ સુંદર સંતાનો આર્યન, સુહાના અને અબરામ પણ રહે છે.

શાહરુખ ખાનનો આ બંગલો બૅન્ડસ્ટૅન્ડ, બાંદ્રા ખાતે આવેલો છે. શાહરુખ ખાને સને 2001માં બાઈ ખુર્શીદ બાનુ સંજના ટ્રસ્ટ પાસેથી આ બંગલો ખરીદ્યો હતો અને પછી તેનું નામ મન્નત પાડ્યુ હતું. 2005માં શાહરુખે બૅન્ડસ્ટૅન્ડમાં પોતાના બંગલા પાછળ એક 6 માળની ઇમારત ઊભી કરી. શાહરુખ ખાન અને તેમનો પરિવાર મન્નતમાં જ રહે છે અને મન્નતની પાછળ આવેલા એરિયામાં આ 6 માળની ઇમારત બનાવાઈ છે. આ ઇમારતમાં લિવિંગ રૂમ, ગેસ્ટ રૂમ્સ, ઑફિસ, લાયબ્રેરી, જિમ, એંટરટેનમેંટ રૂમ અને બેસમેંટ કાર પાર્ક છે. શાહરુખ ખાન પાસે દરેક મોટી ગાડી છે અને દુનિયાની તમામ સવલતો છે.

ટેલીવિઝન જેવા નાના પડદાથી બૉલીવુડમાં ટોચે પહોંચેલા શાહરુખ ખાન પાસે રોલ્સ રૉયસ, ડ્રોફેડ કૂપ, લૅન્ડ ક્રૂઝર, બીએમબ્લ્ડ્યૂ 6 સિરીઝ, 7 સિરીઝ, ઑડી એ 6, મિત્સુબિશી પજેરો જેવી ગાડીઓ છે. શાહરુખ ખાનનો આ બંગલો લગભગ 2000 કરોડનો છે. બાદશાહની લક્ઝરીથી ભરપૂર વૅનિટી વેનની કિંમત પણ 5 કરોડ છે.

ચાલો શાહરુખના મન્નત પર નાંખીએ એક નજર અને જોઇએ કે કઈ રીતે તે જન્નત છે :