બૉલીવુડમાં ધૂમ મચાવવા આવે છે પંજાબી ક્વીન જોનીતા
મુંબઈ, 12 ડિસેમ્બર : બૉલીવુડે અત્યાર સુધી અનેક પંજાબી કુડીઓ જોઈ છે. તેમાં કરીના કપૂર, પ્રીતિ ઝિંટા, માહી ગિલ તથા જુહી ચાવલાનો સમાવેશ થાય છે. હવે પ્રસિદ્ધ પંજાબી ક્વીન જોનીતા ડોડા તેમની આગામી ફિલ્મ ધ સિટી ધૅટ નેવર સ્લિપ્સ દ્વારા બૉલીવુડમાં એન્ટ્રી કરી રહ્યાં છે. સતીશ રેડ્ડી આ ફિલ્મના નિર્માતા છે અને હારૂન રશીદ દિગ્દર્શક.
જોનીતા ત્યારે લાઇમલાઇટમાં આવ્યાં કે જ્યારે તેઓ બ્લેન્ડર્સ પ્રાઇડ ઇન્ટરનેશનલ પંજાબ ફૅશન વીકમાં રૅમ્પ પર ચાલ્યાં. પછી તેમણે પંજાબ ઇન્ટરનેશનલ ફિલ્મ એડેકેમી ઍવૉર્ડ્સ (પીઆઈએફએએ)માં પરફૉર્મ કર્યું. હવે જોનિતા બૉલીવુડમાં પગ મુકી રહ્યાં છે.
પંજાબ દી કુડી જોનીતાએ જણાવ્યું - હું મારી ડેબ્યુટ ફિલ્મ ધ સિટી દૅટ નેવર સ્લિપ્સને લઈને ખૂબ ઉત્સાહિત છું. આ ફિલ્મ ગિનીઝ બુક ઑફ વર્લ્ડ રેકૉર્ડ સ્થાપિત કરવા જઈ રહી છે. આ ફિલ્મમાં આંતરરાષ્ટ્રીય કલાકારો સાથે કામ કરવું ગૌરવસમાન છે.
જોનીતાએ એક્ટિંગ અને પરફૉર્મન્સ દ્વારા લોકોના ખૂબ વખાણ મેળવ્યાં છે. તેણે પંજાબી સિનેમામાં પોતાનો જાદુ પાથર્યો છે. ચક જવાના તથા યારા ઓ દિલદારા જોનિતાની જાણીતી પંજાબી ફિલ્મો છે કે જેમાં તેણે એક્ટિંગના ઓજસ પાથર્યાં છે. ચક જવાના તેની પ્રથમ ફિલ્મ હતી. તેમાં હીરો ગુરદાસ માન હતાં.