ઓપનિંગ ડે પર બ્લૉકબ્ટર સાબિત થઈ રહી છે રજનીકાંતની જેલર, લોકોએ કહ્યુ - સિનેમાના ઈતિહાસનો બેસ્ટ ક્લાઈમેક્સ

Updated: Thursday, August 10, 2023, 15:32 [IST]

Rajinikanth Jailer Twitter Review: સાઉથ ઈન્ડસ્ટ્રીના સુપરસ્ટાર રજનીકાંતે તેમની નવી ફિલ્મ 'જેલર' સાથે લોકોનું મનોરંજન કરવા કમબેક કર્યુ છે. આ ફિલ્મ દ્વારા રજનીકાંત લગભગ 2 વર્ષ પછી મોટા પડદા પર પાછા ફર્યા છે અને તેમનું કમબેક સફળ સાબિત થઈ રહ્યું છે.

આજે રજનીકાંતની ફિલ્મ 'જેલર' સિનેમાઘરોમાં રિલીઝ થઈ છે અને લોકોને આ ફિલ્મ ખૂબ જ પસંદ આવી રહી છે. આ દરમિયાન ટ્વિટર પર લોકોએ પણ ફિલ્મને લઈને પોતાની પ્રતિક્રિયા આપવાનું શરૂ કરી દીધું છે.

તમને જણાવી દઈએ કે ફિલ્મ 'જેલર'ના ડિરેક્ટર નેલ્સન દિલીપ કુમાર છે. રજનીકાંતે તેમની સાથે પહેલીવાર કામ કર્યું છે. સોશિયલ મીડિયા પર એવી ચર્ચા છે કે ફિલ્મ 'જેલર'ની વાર્તા, રજનીકાંતની દમદાર એક્ટિંગ અને ફિલ્મના જબરદસ્ત ક્લાઈમેક્સે લોકોને હચમચાવી દીધા છે. આવી સ્થિતિમાં લોકો આ ફિલ્મને બ્લૉકબસ્ટર કહેવા લાગ્યા છે. ફિલ્મ મેકર્સે આ ફિલ્મનું ભરપૂર પ્રમોશન કર્યું હતું અને તેના કારણે આ ફિલ્મ સોશિયલ મીડિયા પર પણ ટ્રેન્ડ કરી રહી હતી.

મીડિયા રિપોર્ટ્સ અનુસાર, ફિલ્મ 'જેલર'નો ફર્સ્ટ ડે ફર્સ્ટ શો તમિલનાડુના ઘણા વિસ્તારોમાં હાઉસફુલ થઈ ગયો છે. ફિલ્મનો પહેલો શો જોયા પછી, રજનીકાંતના ચાહકો તેમના સોશિયલ મીડિયા એકાઉન્ટ્સ પર તેમની પ્રતિક્રિયા શેર કરી રહ્યા છે. હાલમાં આ ફિલ્મને લોકો તરફથી સારો પ્રતિસાદ મળી રહ્યો છે. આવી સ્થિતિમાં ફિલ્મ નિર્માતાઓને આશા છે કે આ ફિલ્મ બૉક્સ ઑફિસ પર ધમાકેદાર કમાણી કરી શકે છે.

#Jailer filled with goosebump scenes 🔥
Sureshot Blockbuster #JailerFDFS pic.twitter.com/MHj13NroaJ
— Arun (@ArunjAk_) August 10, 2023

ટ્વિટર પર ઘણા લોકોએ ફિલ્મને જોતા જ બ્લૉકબસ્ટર જાહેર કરી છે. સાથે જ ફિલ્મના કેટલાક સીન અને પાવરફુલ ડાયલોગ્સ પણ શેર કરવામાં આવ્યા છે. લોકો કહે છે કે સુપરસ્ટાર રજનીકાંત અને યોગી બાબુએ ફિલ્મમાં જબરદસ્ત એક્ટિંગ કરી છે. જો લોકોનું માનીએ તો રજનીકાંતના એક્શન સીન જોઈને કોઈ પણ ચોંકી શકે છે. સાથે જ તેની ડાયલોગ ડિલિવરી પણ જોરદાર છે.

તમને જણાવી દઈએ કે ફિલ્મ 'જેલર'નું બજેટ 225 કરોડ છે. જો કે લોકો કહે છે કે આ ફિલ્મ તેનાથી વધુ કમાણી કરશે. ફિલ્મના ક્લાઈમેક્સના પણ વખાણ થઈ રહ્યા છે, જેને ભારતીય સિનેમાના ઈતિહાસમાં અત્યાર સુધીની સર્વશ્રેષ્ઠ ગણાવવામાં આવી રહી છે. ફિલ્મ 'જેલર' રજનીકાંતની 169મી ફિલ્મ છે. આ ફિલ્મે રિલીઝ થતાની સાથે જ તમિલનાડુના 900 થીયેટરોમાં ધમાલ મચાવી દીધી છે. ફિલ્મ જોવા માટે લોકો સિનેમાઘરોની બહાર લાઈનો લગાવી રહ્યા છે. ઘણા લોકો થિયેટરોની બહાર ફટાકડા ફોડતા જોવા મળ્યા હતા, જ્યારે કેટલાકે ફિલ્મના પોસ્ટર પર દૂધ રેડ્યું હતું અને સિનેમા હોલની બહાર ઢોલ વગાડીને ડાન્સ કર્યો હતો.

#Jailer first half done and dusted 💥💥💥💥 Blockbuster on cards #Superstar #Thalaivar @rajinikanth one man show all the way 💥🔥 Yogi babu - thalaivar combo 🤣🤣💥 Can’t wait tor the second half to get started #JailerFDFS #Bengaluru @sunpictures @Nelsondilpkumar pic.twitter.com/pIQkTSmSzt
— Anish (@anishsarvanan3) August 10, 2023

ફિલ્મ 'જેલર'માં રજનીકાંત અને જેકી શ્રોફ ઉપરાંત રામ્યા કૃષ્ણન, તમન્ના ભાટિયા, શિવ રાજકુમાર, સુનીલ, યોગી બાબુ જેવા સ્ટાર્સ પણ જોવા મળશે. આ ફિલ્મમાં રામ્યા કૃષ્ણન જેલર રજનીકાંતની પત્ની બની છે. તે જ સમયે, સાઉથના પ્રખ્યાત સ્ટાર મોહનલાલ આ ફિલ્મમાં કેમિયો કરતા જોવા મળે છે. તમન્ના ભાટિયાનું આઈટમ નંબર 'કવાલા' ફિલ્મ રીલિઝ પહેલા જ સુપરહિટ થઈ ગયું છે.