Box Office : રિવૉલ્વર રાણી, કાંચી અને સમ્રાટ એન્ડ કમ્પની ત્રણે ફેલ!
મુંબઈ, 29 એપ્રિલ : છેલ્લા કેટલાંક અઠવાડિયાઓથી બૉક્સ ઑફિસે સતત એક સાથે ત્રણ-ચાર ફિલ્મો રિલીઝ થઈ રહી છે અને પરિણામ શું થાય છે? તમામના બૉક્સ ઑફિસ રિઝલ્ટ પર પાણી. ગત શુક્રવારે પણ બૉક્સ ઑફિસે રિવૉલ્વર રાણી, સમ્રાટ એન્ડ કમ્પની તથા કાંચી એમ ત્રણ ફિલ્મો રિલીઝ થઈ.
એક તરફ ક્વીન ફિલ્મ દ્વારા બૉક્સ ઑફિસે સફળતાના પરચમ લહેરાવનાર કંગના રાણાવતની ફિલ્મ રિવૉલ્વર રાણી લોકોની મોટી-મોટી આશાઓ સાથે બૉક્સ ઑફિસે આવી, તો બીજી બાજુ બૉલીવુડમાં ગંભીર તથા શ્રેષ્ઠ પ્રદર્શન માટે જાણીતા રાજીવ ખંડેલવાલની જાસૂસી ફિલ્મ સમ્રાટ એન્ડ કમ્પની રિલીઝ હુઈ, તો સુભાષ ઘઈએ પોતાની વધુ એક સુંદર સીન-સિનેરી ધરાવતી ફિલ્મ કાંચી રિલીઝ કરી, પરંતુ ત્રણે ફિલ્મો બૉક્સ ઑફિસ ઉપર કોઈ દમ ન દાખવી શકી.
નોંધનીય છે કે આ અગાઉના શુક્રવારે એટલે કે 18મી એપ્રિલે રિલીઝ થયેલી એકમાત્ર ફિલ્મ 2 સ્ટેટ્સ સતત બૉક્સ ઑફિસે રાજ કરી રહી છે. ફિલ્મમાં આલિયા ભટ્ટ અને અર્જુન કપૂર લીડ રોલમાં છે. લોકોની ભીડ દરરોજ 2 સ્ટેટ્સ માટે જ ભેગી થઈ રહી છે અને તેથી જ બાકીની ફિલ્મોનું બૉક્સ ઑફિસ રિઝલ્ટ પ્રભાવિત થઈ રહ્યું છે.
ચાલો તસવીરો સાથે જોઇએ વધુ વિગતો :
એક સાથે ત્રણ રિલીઝ
ગત શુક્રવારે એટલે કે 25મી એપ્રિલના રોજ એક સાથે ત્રણ ફિલ્મો સમ્રાટ એન્ડ કમ્પની, કાંચી અને રિવૉલ્વર રાણી રિલીઝ થઈ અને તેથી આ તમામ ફિલ્મોને નુકસાન જ ભોગવવું પડ્યું.
ટકવું મુશ્કેલ...
રિવૉલ્વર રાણીમાં પણ કંગનાને તેમના શ્રેષ્ઠ પરફૉર્મન્સના પગલે સારા પ્રત્યાઘાત સાંપડી રહ્યા છે, પણ ફિલ્મનું બૉક્સ ઑફિસે ટકી રહેવું મુશ્કેલ નજરે પડે છે.
પછડાટ ખાધી...
બૉલીવુડમાં જાસૂસી ફિલ્મોની એક નવી શરુઆત કરનાર સમ્રાટ એન્ડ કમ્પની પણ ઓછા કલેક્શન સાથે પછડાટ ખાતી લાગે છે.
કાંચીની મિઠાસ પર ગ્રહણ...
સુંદર દૃશ્યો, ઋષિ કપૂર અને મિથુન ચક્રવર્તી જેવા શ્રેષ્ઠ કલાકારો અને નવોદિત અભિનેત્રી મિષ્ટીની મિઠાસ સાથેની કાંચી ફિલ્મ લોકોને પસંદ નથી પડી રહી.
2 સ્ટેટ્સનું રાજ
એક સાથે ત્રણ ફિલ્મોની રિલીઝના હાલ બૉલીવુડે જોઈ લીધા હશે. બીજી બાજુ ગત 18મી એપ્રિલે માત્ર એક જ ફિલ્મ 2 સ્ટેટ્સ રિલીઝ થઈ અને આજેય તે બૉક્સ ઑફિસે રાજ કરી રહી છે.
Click it and Unblock the Notifications
Sign in with Google
