દબંગ 2 : અક્ષય સે જીતે, પર ખુદ સે હારે સલમાન...

મુંબઈ, 23 ડિસેમ્બર : શુક્રવારે સલમાન ખાનની બહુચર્ચિત ફિલ્મ દબંગ 2ને પ્રથમ જ દિવસે બૉક્સ ઑફિસ ઉપર શાનદાર ઓપનિંગ મળી છે, પરંતુ પ્રથમ દિવસના કલેક્શનની વાત કરીએ, તો તે સારું તો હતો, પરંતુ તે એટલો મોટો નહોતો કે સલમાન મિયા પોતે હરખાઈ શકે.

દબંગ 2ના પ્રથમ દિવસની કમાણી ગત 7મી ડિસેમ્બરે રિલીઝ થયેલ ફિલ્મ રાઉડી રાઠોડ કરતાં ઘણી વધારે છે, પરંતુ આ કમાણી સલમાન ખાનની આ વર્ષની સૌથી મોટી હિટ ફિલ્મ એક થા ટાઇગર કરતાં ઓછી છે. એટલું જ નહીં, ફિલ્મ જોયા બાદ લોકોએ પણ મિશ્ર પ્રત્યાઘાતો આપ્યાં છે. કેટલાંક લોકોએ ફિલ્મને ખૂબ સારી ગણી, તો કેટલાંકે સરેરાશ ગણાવી છે.

દબંગ 2ની પબ્લિસિટી સલમાનની હિટ ફિલ્મ દબંગની સિક્વલ તરીકે કરાઈ હતી. તેથી લોકોએ તેની સાથે સરખામણી કરવાનું શરુ કર્યું અને સરખામણીમાં દબંગ 2 ઉપર દબંગ ભારે રહી છે. નોંધનીય છે કે શુક્રવારે દબંગ 2 રિલીઝ થઈ છે, પરંતુ તે ઓપનિંગ રેકૉર્ડની બાબતમાં એક થા ટાઇગર કરતાં પાછળ રહી છે. લોકોને ફિલ્મની પટકથામાં નબળાઈ નજરે પડે છે, તો ફેવીકૉલ સૉંગ પણ મુન્ની સાથેની સરખામણીમાં પાછું પડે છે.

English summary

Salman's Dabangg 2,first day figures are not as big as Salman's previous release Ek Tha Tiger, the Arbaaz Khan directed film has turned out to be the biggest opener for non-holiday, beating the previous opening day record of Akshay Kumar's Rowdy Rathore.