અંતે સલમાનને મળી જ ગયો યૂકેનો વિઝા
મુંબઈ, 3 ઑગસ્ટ : અંતે સાજિદ નડિયાદવાલાએ રાહતનો શ્વાસ લીધો છે, કારણ કે તેમની ફિલ્મ કિકના હીરો સલમાન ખાનને યૂકેએ વિઝા આપી દીધો. હવે સલમાન ખાન કિક ફિલ્મના શૂટિંગાર્થે બ્રિટન જઈ શકશે.
નોંધનીય છે કે હિટ એન્ડ રન કેસમાં ગુનેગાર ઠેરવાયાના કારણે સલમાન ખાનનો વિઝા રિજેક્ટ થઈ ગયો હતો કે જેથી સાજિદ નડિયાદવાલાની ફિલ્મ કિકનું શૂટિંગ અટવાઈ પડ્યુ હતું, પરંતુ હવે લંડન ખાતે કિક ફિલ્મનું શૂટિંગ શરૂ થઈ શકશે. સલમાન ખાનને બીજા પ્રયત્ને વિઝા મળી ગયો છે.
કિક ફિલ્મમાં સલમાન ખાન અને જૅકલીન ફર્નાન્ડીઝ લીડ રોલમાં છે. સાજિદ અને ફિલ્મના અન્ય કલાકારો લંડનમાં જ છે, પણ સલમાન હિટ એન્ડ રન કેસ અંગે ભારતમાં જ હતાં. એક અઠવાડિયાની અંદર જ હવે સલમાન ખાન લંડન ઉપડી જશે. ગોર કરવા લાયક બાબત એ છે કે સલમાનની કિક ફિલ્મમાં કેટલાંક સન્સ તેમના ડુપ્લિકેટ તરફથી શૂટ કરાઈ ચુક્યાં છે. તેથી સ્પષ્ટ થાય છે કે સાજિદે સેફ ઝોનમાં કામ કર્યું છે.