સોનાક્ષી પર સવાર થયું આયટમ નંબરનું ભૂત
મુંબઈ, 22 જુલાઈ : અત્યાર સુધી શરાફતનો ચોળો પહેરી રાખનાર સોનાક્ષી સિન્હાએ પણ હવે બોલ્ડ થવાની તૈયારી કરી લીધી છે. આપને જાણીને આશ્ચર્ય થશે, પણ હકીકત આ જ છે. સમાચાર મળે છે કે અક્ષય કુમારની આવનાર ફિલ્મમાં સોનાક્ષી એક હૉટ આયટમ નંબર કરવાનાં છે કે જે એકદમ તડકતું-ભડકતું હશે. સોના આ ગીતમાં શૉર્ટ ડ્રેસમાં નજરે પડશે.
કહે છે કે અક્ષય કુમારના કહેવા પર સોનાક્ષી સિન્હા આટલો હૉટ અંદાજ અપનાવવા તૈયાર થયાં, કારણ કે મિસ્ટર અક્કીએ જણાવ્યું કે જો બૉલીવુડમાં ટૉપ પૉઝિશન મેળવવી હોય, તો તેમને થોડોક બોલ્ડ લુક અપનાવવો જ રહ્યો. જોકે આ અગાઉ સોનાક્ષી સિન્હા સાજિદ ખાનની ફ્લૉપ હિમ્મતવાલા ફિલ્મમાં એક હૉટ કૅબરે ડાન્સ કરી ચુક્યાં છે કે જેમાં તેમણે પરવીન બૉબીનો અવતાર ધર્યો હતો. તેની પાછળ કારણ એ જ જણાવાયુ હતું કે સોનાક્ષી લોકોને જણાવવા માંગતા હતાં કે તેઓ પણ સ્કર્ટ તેમજ ટાઇટ જિન્સમાં ડાન્સ કરી શકે છે. તેઓ માત્ર લેંઘો કે સાડી પહેરનાર અભિનેત્રી નથી, કારણ કે સોનાક્ષીએ 2010માં દબંગ ફિલ્મ દ્વારા બૉલીવુડમાં પગ મૂક્યો, ત્યારથી તેઓ મોટાભાગે સાડીમાં જ દેખાયાં છે.
જોકે વિચારવા જેવી બાબત એ છે કે સિન્હા પરિવારે અગાઉ જ જાહેરાત કરી હતી કે સોનાક્ષી સિન્હા આયટમ નંબર નહીં કરે અને સોનાક્ષી પોતાના પરિવારની વિરુદ્ધ જઈ કોઈ કામ નથી કરતાં. તેથી શું એમ માની લઇએ કે સોનાક્ષી પોતાના પરિવારની વિરુદ્ધ જઈ આયટમ નંબર કરવાં જઈ રહ્યાં છે.