Pics : વાયપીડી 2નું ટ્રેલર લૉન્ચ, સન્નીના પત્ની-પુત્ર પણ સક્રિય!

Published: Friday, March 29, 2013, 12:41 [IST]

મુંબઈ, 29 માર્ચ : બૉલીવુડ અભિનેતા સન્ની દેઓલની આવનાર ફિલ્મ યમલા પગલા દીવાના 2 દ્વારા સન્નીના પત્ની લિન્ડા તથા પુત્ર કરણ દેઓલ પણ ફિલ્મ ક્ષેત્રે જુદા-જુદા ભૂમિકામાં પ્રવેશ કરી રહ્યાં છે. યમલા પગલા દીવાનાની સિક્વલ યમલા પગલા દીવાના 2 ફિલ્મનું ટ્રેલર લૉન્ચ થઈ ગયું છે.

સન્ની દેઓલના પિતા અને પીઢ અભિનેતા ધર્મેન્દ્રે જણાવ્યું - મારા વહુ લિન્ડા એટલે કે સન્નીના પત્ની વાયપીડી 2ના નિર્માણમાં સહભાગી થયાં છે. સન્ની દેઓલે જણાવ્યું - લિન્ડાએ લેખન ક્ષેત્રે ફાળો આપ્યો છે. તેમણે વિવિધ આઇડિયા આપ્યાં છે. ફિલ્મની વાર્તા અમેરિકી મંદી ઉપર આધારિત છે. લિન્ડાએ જ આ વિષય સુચવ્યો અને અમારા લેખકોએ તે વિષય ઉપર પટકથા લખી.

સન્નીના પુત્ર કરણ દેઓલ આ ફિલ્મ સાથે જ ફિલ્મ ક્ષેત્રના વિવિધ પાસાઓનો અભ્યાસ કરી રહ્યાં છે. ધર્મેન્દ્ર નિર્મિત આ ફિલ્મના દિગ્દર્શનમાં કરણ સહાયક દિગ્દર્શક તરીકે કામ કરી રહ્યાં છે.

સન્ની દેઓલે જણાવ્યું - કરણ યુવાન છે તથા અનુભવોનો અભ્યાસ અને તેને એન્જૉય કરી રહ્યો છે. તે આ ફિલ્મમાં સહાય કરી રહ્યો છે. કરણ દેઓલ એક્ટિંગ ક્ષેત્રે આવતા વર્ષે હાથ અજમાવશે. વાયપીડી 2માં કરણે એક ગીતની કેટલીક પંક્તિઓ ગાઈ છે. આ ગીત રેમો ડિસૂઝાએ કોરિયોગ્રાફ કર્યું છે.

આવો જોઇએ વાયપીડી 2 ફિલ્મના ટ્રેલર લૉન્ચિંગની તસવીરો.