શુટીંગ દરમિયાન એસપીએ આવીને ભાંડી ગાળો, પૂજા ભટ્ટનો આરોપ

Published: Sunday, July 21, 2013, 15:23 [IST]

જયપુર, 21 જુલાઇ : નિર્દેશક અને અભિનેત્રી પૂજા ભટ્ટ ફિલ્મ નિર્માણ ટીમના સદસ્યો અને ઉદયપુરના એસપી સાથે બોલાચાલી થઇ ગઇ. પૂજાએ આરોપ લગાવ્યો છે કે પોલીસ અધિકારીએ ફિલ્મના સેટ પર અભદ્ર ભાષાનો પ્રયોગ કર્યો.

ભોપાલપુરાના એસએચઓ જ્ઞાનેન્દ્ર સિંહે જણાવ્યું કે આ ઘટના એ સમયે ઘટી જ્યારે પૂજાની આવનારી ફિલ્મ 'બેડ'નું ઉદયપૂરના કલેક્ટરેટ પ્રાંગણમાં શુટિંગ ચાલી રહ્યું હતું. આ પ્રાંગણમાં ઉદયપુરના એસપી હરિપ્રસાદ શર્માનું પણ કાર્યાલય છે.

તેમણે જણાવ્યું કે પરિસરના કાર્યાલય બંધ હતા. સુપ્રિટેન્ડેન્ટ ઓફ પોલીસ કઇ કામથી પોતાના કાર્યાલયમાં આવ્યા હતા પરંતુ ફિલ્મ નિર્માણ ટીમના સભ્યોએ શુટિંગના કારણે તેમને તેમના ચેમ્બરમાં જવાથી રોકી દીધા.

એસપીએ જણાવ્યું કે ટીમના સભ્યો તેમને ચેમ્બરમાં જવા ન્હોતા દેતા અને તેમણે મને મહેશ ભટ્ટ સાટે ફોન પર વાત કરવાનું જણાવ્યું. ભલે તેમણે અત્રે શુટીંગ કરવાની પરવાનગી લીધી હોય પરંતુ તેઓ અમને અમારા ચેમ્બરમાં જવા માટે રોકી શકે નહીં. સિંહે જણાવ્યું કે જોકે બોલાચાલી બાદ મામલો થાળે પડી ગયો અને ફિલ્મ નિર્માણ સભ્યો સામે કોઇ કાર્યવાહી કરવામાં નથી આવી અને એસપી પોતાના કાર્યાલમાં ચાલ્યા ગયા.

આ બધાની વચ્ચે પૂજાએ જણાવ્યું કે સુપ્રિન્ટેડેન્ટ ઓફ પોલીસે બે મિનિટ રાહ જોવા માટે કહેવાયું હતું, પરંતુ તેમણે ધમકી આપી અને અભદ્ર ભાષાનો પણ ઉપયોગ કર્યો હતો. જોકે પોલીસ અધિકારીએ આ આરોપોનું ખંડન કર્યું હતું.

Published On July 21, 2013