વેલકમ બૅકનું શૂટિંગ શરૂ : મૈં બબલી હુઈ... પર ઠુમક્યાં સંભાવના-જ્હૉન!
મુંબઈ, 25 માર્ચ : અનીસ બઝ્મીની વેલકમ ફિલ્મની સિક્વલ વેલકમ બૅકનું શૂટિંગ શરૂ થઈ ગયું છે. ફિલ્મમાં જાણીતા ભોજપુરી અભિનેત્રી સંભાવના સેઠનું હૉટ આયટમ સૉંગ પણ હશે કે જેમાં સંભાવના અને જ્હૉન અબ્રાહમ ઠુમકા લગાવતાં નજરે પડશે.
વેલકમ ફિલ્મમાં અક્ષય કુમાર અને કૅટરીના કૈફની જોડી હતી, જ્યારે વેલકમ બૅકમાં આ જોડીનું સ્થાન લીધું છે જ્હૉન અબ્રાહમ અને શ્રુતિ હસને. વેલકમના અન્ય કલાકારો પરેશ રાવલ, અનિલ કપૂર અને નાના પાટેકર વેલકમ બૅકમાં પણ જાળવી રાખવામાં આવ્યાં છે, જ્યારે ફિરોઝ ખાનના રોલ અંગે હજીય સ્પષ્ટ થયું નથી.
ચાલો તસવીરો સાથે જોઇએ અને જાણીએ વધુ વિગતો :
વેલકમ બૅકનું શૂટિંગ શરૂ
ફિરોઝ નડિયાદવાલા નિર્મિત અને અનીસ બઝ્મી દિગ્દર્શિત વેલકમ બૅકનું શૂટિંગ શરૂ થઈ ગયું છે.
વેલકમ બૅકની ટીમ
વેલકમ બૅક ફિલ્મમાં જ્હૉન અબ્રાહમ, અનિલ કપૂર, શ્રુતિ હસન, નાના પાટેકર અને પરેશ રાવલ લીડ રોલમાં છે.
સંભાવનાનું આયટમ સૉંગ
વેલકમ બૅક ફિલ્મમાં સંભાવના સેઠનું એક આયટમ સૉંગ છે કે જેમાં તેઓ જ્હૉન અબ્રાહમ સાથે ઠુમકા લગાવતા નજરે પડશે.
મૈં બબલી હુઈ તૂ બંટી હુઆ...
સંભાવનાએ આ આયટમ સૉંગ અંગે જણાવ્યું - આ આયટમ સૉંગના બોલ છે મૈં બબલી હુઈ તૂ બંટી હુઆ... આ ગીત મારા કૅરિયરને નવી દિશા આપશે. આ ગીતને હું પોતાના ડાન્સ નંબર કહી શકુ છું.
સુપરહિટ વેલકમ
વેલકમ બૅક સને 2007માં આવેલી સુપરહિટ ફિલ્મ વેલકમની સિક્વલ છે.
જોડી બદલાઈ
વેલકમમાં અક્ષય-કૅટની જોડી હતી, જ્યારે વેલકમ બૅકમાં જ્હૉન-શ્રુતિ રંગ જમાવશે.