અંજના પદ્મનાભન બની ઇન્ડિયન આઇડલ જૂનિયર
મુંબઈ, 2 સપ્ટેમ્બર : રવિવારે રાત્રે સોની ચૅનલ ઉપર ઉજવણીની રાત હતી, કારણ કે ઇન્ડિયન આઇડલ જૂનિયરનો ગ્રાન્ડ ફિનાલે હતો. આ ગ્રાન્ડ ફિનાલે આઈટી સિટી બેંગલુરૂની અંજના પદ્મનાભને જીત્યો. અંજનાએ પોતાના સુરમયી અવાજ દ્વારા ઇન્ડિયન આઇડલના જજોના જ નહીં, પણ દેશની જનતાના દિલ પણ જીત્યાં કે જેણે અંજનાને ભારે મતો આપ્યાં.
માત્ર દસ વરસની વયે પોતાની કળાની કમાલ દાખવનાર અંજનાને ઇન્ડિયન આઇડલ વિજેતા બનવા બદલ 25 લાખ રુપિયા, એક નિસાન કાર, પાંચ લાખ રુપિયાની એફડી આપવામાં આવી. પ્રાયોજકોએ પણ અંજનાને 2 લાખ રુપિયા આપ્યાં. અંજનાને ખિતાબની ટ્રૉફી સદીના મહાનાયક અમિતાભ બચ્ચન દ્વારા આપવામાં આવી.
અમિતાભ બચ્ચને અંજનાને આશીર્વાદ આપ્યાં. સોની ઉપર શરૂ થયેલ આ શોમાં 86 પ્રતિસ્પર્ધીઓએ ભાગ લીધો હતો. અંજનાએ પોતાના વિજય ઉપર ખુશી વ્યક્ત કરી અને તેનો શ્રેય પોતાના માતા-પિતાને આપ્યો. આ ફાઇલનમાં દેવાંજના મિત્રા પ્રથમ રનર-અપ રહી તથા અનમોલ જસવાલ તેમજ નિર્વેશ દવે સેકેંડ રનર-અપ રહ્યાં. અંજના પદ્મનાભન દેશની પ્રથમ ઇન્ડિયન આઇડલ જૂનિયર છે.
Click it and Unblock the Notifications
Sign in with Google
