બુદ્ધમાં નહી જોવા મળે નિગારના નખરાં, તારક મહેતા... માં કૅમિયો!
મુંબઈ, 30 જાન્યુઆરી : પૌરાણિક શો બુદ્ધમાં હવે નિગારના નખરા નહીં જોવા મળે. નિગાર ખાન આ શોમાં ભગવાન બુદ્ધના કાકી મંગલાનો રોલ કરી રહ્યાં છે કે જે પોતાના પુત્ર દેવદત્તના મોહમાં સિદ્ધાર્થ એટલે કે બુદ્ધ માટે ડગલેને પગલે વિઘ્નો ઊભા કરતી હોય છે. નિગાર ખાન ટુંકમાં જ સબ ટીવીના કૉમેડી શો તારક મહેતા કા ઉલ્ટા ચશ્મામાં કૅમિયો તરીકે નજરે પડવાનાં છે. તેના માટે તેમણે શૂટિંગ પણ શરૂ કરી દીધું છે.
નિગાર ખાને બુધવારે વધુ એક ટ્વીટ કર્યું - મેં બુદ્ધ છોડ્યે એક માસ થઈ ચુક્યો છે. આ નવી શરુઆતનો સમય છે. હાલ તારક મહેતા કા ઉલ્ટા ચશ્મામાં અતિથિ ભૂમિકા માટે શૂટિંગ કરવાનો સમય છે. નોંધનીય છે કે બિગ બૉસ 7 શોના વિજેતા ગૌહર ખાનના બહેન નિગાર ખાન લિપસ્ટિક તથા હોંગે જુદા ના હમ જેવા કાર્યક્રમોમાં ભાગ લઈ ચુક્યાં છે. તેઓ રિયલિટી શો ધ ખાન સિસ્ટર્સ, સચ કા સામના તથા વેકમબાજી મહેમાનનવાજી કીમાં પણ દેખાયા હતાં.