BSNL પર ઇન્ટરનેટ વિના ફેસબુક સુવિધા
બીએસએનએલે પૂર્વી અને પશ્વિમી વિસ્તારમાં આ સેવાને પૂરી પાડવા માટે યૂ2ઓપિયા મોબાઇલની સાથે કરાર કર્યો છે. તે યૂએસએસડીના માધ્યમથી ફેસબુક ચલાવવાની સુવિધા પ્રદાન કરશે. કંપનીએ કહ્યું કે ટૂંક સમયમાં જ પશ્વિમી તથા ઉત્તરી ક્ષેત્રમાં પણ આ સેવા શરૂ કરવામાં આવશે.
અત્રે ઉલ્લેખનીય છે કે અનસ્ટ્રક્ચર્ડ સપ્લિમેંટ્રી સર્વિસ ડેટા (યૂએસડીડી) ટેક્નિકનો ઉપયોગ ટેલિકોમ ઓપરેટર્સ કંપનીઓ દ્વારાઅ પોતાના ગ્રાહકોને મેસેજ વગેરે મોકલવા માટે કરવામાં આવે છે. આ ઉપરાંત તેનો પ્રયોગ સ્થાન આધારિત પ્રી-પેડ-કોલ-બેક સેવા માટે પણ કરવામાં આવે છે. સાથે જ ટેલિકોમ કંપનીઓ મેન્યૂ આધારિત સેવાઓ માટે આ ટેક્નિકનો પ્રયોગ કરે છે.
બીએસએનએલે કહ્યું કે યૂએસએસડીના માધ્યમથી ચાલનાર ફેસબુકના માધ્યમથી ગ્રાહક પોતાના ફેસબુક એકાઉન્ટના સ્ટેટસ જોઇ શકો છો તથા ફોરવર્ડ કરી શકો છો, કોઇ મિત્રની ફ્રેંડ રિકવેસ્ટને સ્વિકાર અથવા અસ્વિકાર કરી શકો છો. આ ઉપરાંત ફેસબુકના અન્ય ફિચર જેમ કે જન્મદિવસ રિમાઇન્ડર વગેરે તેના માધ્યમથી ચાલી શકશે.
બીએસએનએલના નિર્દેશક અનુપમ શ્રીવાસ્તવે કહ્યું, 'કંપનીઓ હાલ અવાજવાળા સંદેશ અને ઉપભોક્તા સંદેશ જેવા ફિચર સામેલ કરીને પોતાના પોર્ટફોલિયાનો વિસ્તાર કરી રહી છે.' આ સેવાનો લાભ બધા જ પ્રકારના મોબાઇલ હેંડસેટ્સમાં લઇ શકાશે.
યૂ2ઓપિયા મોબાઇલના મુખ્ય કાર્યકારી અધિકારી સુમેશ મેનને કહ્યું, 'હંમેશા ફેસબુકના માધ્યમથી મિત્રો સાથે જોડાવાની ઇચ્છા રાખનારાઓ આ સેવા એકદમ ઉપયુક્ત છે. આ સેવાના માધ્યમથી તે ગમે ત્યાંથી પણ કોઇ પણ સમયે પોતાના ફેસબુક મિત્રો સાથે સંપર્કમાં રહી શકે છે.'