ભરૂચ ભાજપના 150 કાર્યકરો કોંગ્રેસમાં જોડાયા

Updated: Wednesday, November 5, 2014, 13:08 [IST]

ભરૂચ, 27 ઑક્ટોબરઃભરૂચ ભાજપમાં બળવો પોકારાયા બાદ નગરપાલિકાના પ્રમુખ બનેલા જીજ્ઞેશ બ્રહ્મભટ્ટ સહિત 150 જેટલા ભાજપના કાર્યકર્રો આજે કોંગ્રેસમાં જોડાયા છે. તેઓએ સોનીયા ગાંધીના સાજકીય સલાહકાર અહેમદ પટેલની હાજરીમાં કોંગ્રેસનો હાથ ઝાલ્યો હતો.

અહેમદ પટેલ ઇદની ઉજવણીના ભાગરૂપે ભરૂચમાં છે ત્યારે આ તકે પિરામણ ગામે ગુજરાત પ્રદેશ કોંગ્રેસ સમિતિના પ્રમુખ અર્જુન મોઢવાડિયા, ભરૂચ જિલ્લા કોંગ્રેસ પ્રમુખ રાજેન્દ્રસિંહ રાણા ઉપરાંતને કોંગ્રેસી નેતાઓ ઉપસ્થિત હતા.

ઉક્ત ઉપસ્થિત નેતાઓની હાજરીમાં ભરૂચ પાલિકામાં વિપક્ષના નેતા સલીમ અમદાવાદી સહિતના આગેવાનોએ જીજ્ઞેશ બ્રહ્મભટ્ટ તથા તેમના 150થી વધુ ટેકેદારોને કોંગ્રેસનો ખેસ પહેરાવી આવકાર્યા હતાં.