વાપીમાં નાણામંત્રીના હસ્તે 156 કરોડના વિકાસના કાર્યોનું ખાતમુહૂર્ત તથા લોકાપર્ણ
વાપીમાં નાણામંત્રીના હસ્તે 156 કરોડના વિકાસના કાર્યોનું ખાતમુહૂર્ત તથા લોકાપર્ણ
વિશ્વાસથી વિકાસ યાત્રા કાર્યક્રમ અંતર્ગત વલસાડ જિલ્લાના વાપી ખાતે પાલિકા હદમાં આવતા વિવિધ વિસ્તારોમાં રાજ્યના નાણાં મંત્રી કનુ દેસાઈના હસ્તે 11838.95 લાખના 5 વિકાસ કાર્યોનું ખાતમુહૂર્ત, 241.50 લાખના 3 કામોનું લોકાર્પણ અને ડુંગરામાં 3576.36 લાખના વોટર ટ્રીટમેન્ટ પ્લાન્ટના કામનું ભૂમિપૂજન કરવામાં આવ્યું હતું.
મંત્રી કનુ દેસાઈના હસ્તે સ્વર્ણિમ જંયતિ મુખ્યમંત્રી શહેરી વિકાસ યોજના હેઠળ વાપી શહેરના વિવિધ વિસ્તારોમાં 3158.22 લાખના ખર્ચે વરસાદી પાણીના નિકાલ માટે ગટર બનાવવાનું કામ, બલીઠા પાસે વલસાડી ઝાપા રોડ પર રેલવે વિભાગના અંડરપાસ બનાવવાનું કામ, 50 કરોડના ખર્ચે જે ટાઈપ રીંગરોડને જોડતા રેલવે ઓવરબ્રિજ બનાવવાનું કામ, છરવાડા રોડ અને ટુકવાડા ખાતે રૂ. 1491 લાખના ખર્ચે હાઈવે અંડરપાસ બનાવવાનું કામ અને 15માં નાણાપંચ 2020-21ની ટાઈડ ગ્રાન્ટના બીજા હપ્તામાંથી રૂ. 218.23 લાખના ખર્ચે વાપી પાલિકા વિસ્તારમાં ફિલ્ટર પ્લાન્ટને રીહેબીલીટેશન અને રેટ્રોફીટીંગ તથા કન્વેન્શન રેપીડ સેન્ડ કરવાના કામનું ખાતમુહૂર્ત કરાયું હતું.
રાષ્ટ્રીય કૃષિ વિકાસ યોજના હેઠળ સરકાર દ્વારા રૂ. 100 લાખના ખર્ચે ફાળવામાં આવેલા ફાયર વોટર બ્રાઉઝર, વાપી પાલિકા વિસ્તારમાં રૂ. 126.80 લાખના ખર્ચે તૈયાર થયેલી અદ્યતન ફિશ માર્કેટ અને ફિશ માર્કેટ પાસે હેમ એપાર્ટમેન્ટની બાજુમાં આવેલા ખરાબાની જગ્યામાં રૂ. 14.70 લાખના ખર્ચે બનાવાયેલા ડિલક્ષ પે એન્ડ યુઝ ટોયલેટનું લોકાર્પણ મંત્રી કનુ દેસાઇના હસ્તે કરવામાં આવ્યું હતું.
વાપીના ડુંગરા ખાતે રૂ.3576.36 લાખના ખર્ચે બનનારા વોટર ટ્રીટમેન્ટ પ્લાન્ટના કામનું ભૂમિપૂજન મંત્રી કનુ દેસાઈના હસ્તે કરવામાં આવ્યું હતું. આમ, કુલ 156.81 કરોડના વિવિધ વિકાસના કાર્યોનું ખાતમુહૂર્ત, લોકાર્પણ અને ભૂમિપૂજન મંત્રીશ્રીના હસ્તે કરવામાં આવ્યું હતું.