સુરતથી ઝડપાયું નકલી આધાર કાર્ડનું મોટું રેકેટ

સુરતમાં ઝડપાયું નકલી આધારકાર્ડ બનાવવાનું મોટું રેકેટ. એક વર્ષથી વધુ સમયથી ચાલી રહેલા આ રેકેટમાં પોલીસે બે લોકોની ધરપકડ કરી છે. ત્યારે જાણો આ અંગે વધુ અહીં.

સુરતની પોલીસે આ મામલે હિરેન પ્રજાપતિ અને પ્રશાંત પ્રધાન નામના બે લોકોની ધરપકડ કરી છે. આ બંને લોકો ફેક આધાર કાર્ડ બનાવાનું કામ કરતા હતા. નોંધનીય છે કે આધાર કાર્ડને સૌથી સુરક્ષિત ઓળખપત્ર મનવામાં આવે છે. અને સરકાર દાવો કરે છે કે આ ખોટા આધાર કાર્ડ બનાવવા શક્ય જ નથી. આ તમામની વચ્ચે બોયોમેટ્રિક ડેટા માટે રબ્બરના અંગૂઠાનો ઉપયોગ કરીને ફેંક આધાર કાર્ડ બનાવવાનું કાવતરું ઝડપી પાડવામાં આવ્યું છે. સુરતની પાંડેસરા પોલીસના જણાવ્યા મુજબ લગભગ એક વર્ષ કરતા વધુ સમયથી આ બંને લોકો આ ફેક આધાર બનાવવાનું કૌભાંડ ચલાવી રહ્યા હતા તેમ માનવામાં આવે છે. ગત શનિવારે સ્થાનિક લોકોની ફરિયાદના આધારે કૈલાસ નગર ચોકીથી આ બંને લોકોને પોલીસે પકડ્યા છે.

પ્રજાપતિ પાનકાર્ડથી લઇને ડ્રાઇવિંગ લાયસન્સ બનાવનાર એક એજન્ટ તરીકે કામ કરતો હતો. તેણે અને પ્રધાને સાથે મળીને અમદાવાદના એક હિતેશ નામના વ્યક્તિ સાથે મળીને આ કૌભાંડ બહાર પાડ્યું છે. હિતેશ આ લોકોને તેવા લોકોની ડિટેલ આપતો હતો જે આધાર કાર્ડ માટે અધિકૃત હોય. હિતેશ આવી જ જાણકારી વાળી પેનડ્રાઇવ 6,000 રૂપિયામાં આ લોકોને વેચી હતી. આ પેનડ્રાઇવમાં નેશનલાઇન બેંક ઓફિસર પ્રશાંત મોરવાડિયાની જાણકારી હતી. મોરવાડિયા, યુઆઇડીએઆઇના અધિકૃત એજન્ટ હતા અને તેમની આ ડિટેલ અને અંગૂઠાના નિશાનથી તમે કોઇના પણ આધાર કાર્ડને બનાવી શકતા હતા. રબ્બરની થમ્પ પ્રિન્ટ બનાવી આજ જાણકારીનો ઉપયોગ કરીને આ બંને લોકો અનઅધિકૃત રીતે લોકોનો આધાર કાર્ડ બનાવી આપતા હતા. ટાઇમ્સ ઓફ ઇન્ડિયામાં છપાયેલી ખબર મુજબ આ કામ લગભગ એક વર્ષથી ચલાવવામાં આવી રહ્યું હતું.

English summary

Aadhaar card tampering racket busted in Surat. Read more on it here.