મુંબઇ-અમદાવાદ હાઇવે પર બસ અકસ્માતમાં 14 લોકોના મોત

By Kumar Dushyant

Updated: Friday, February 6, 2015, 11:02 [IST]

અમદાવાદ, 29 મે: મહારાષ્ટ્રના થાણે જિલ્લામં બુધવારે એક બસ અને ટ્રક વચ્ચે ટક્કર થયા બાદ બસ નદીમાં પડવાથી લગભગ 14 લોકોના મોત નિપજ્યાં છે જ્યારે 32 લોકોને ઇજા પહોંચી છે. આ અકસ્માત મુંબઇ-અમદાવાદ હાઇવે પર થાણેના મનોર પાસે સર્જાયો હતો.

પાલઘર પોલીસ મથકના એક અધિકારના જણાવ્યા અનુસાર મુંબઇથી લગભગ 110 કિલોમીટર મનોર નજીક સવારે લગભગ સાત વાગે અમદાવાદ-મુંબઇ બસ અને એક ટ્રક વચ્ચે ટક્કર થતાં આ અકસ્માત સર્જાયો હતો.

બસ અને ટ્રક વચ્ચે ટક્કર થતાં બસ નદીમાં પડી ગઇ હતી. તેમાં હજુ મુસાફરો ફસાયેલા છે. મૃતકોની સંખ્યા વધુ હોય શકે છે કારણ કે કેટલાક મુસાફરો હજુ બસમાં ફસાયેલા છે. રાહતકાર્ય શરૂ કરી દેવામાં આવ્યું છે. અત્રે ઉલ્લેખનીય છે કે મોટાભાગના મુસાફરો ગુજરાતના હોવાનું જાણવા મળ્યું છે.