બેંગ્લોરમાં ટ્રીટમેન્ટ કરાવીને અમદાવાદ પરત ફર્યો હાર્દિક પટેલ

Updated: Friday, September 28, 2018, 17:26 [IST]

અમદાવાદઃ ઉપવાસ આંદોલન બાદ પાટીદાર અનામત આંદોલન સમિતિના કન્વીનર હાર્દિક પટેલની તબિયત લથડી હતી. 19 દિવસના ઉપવાસ બાદ હાર્દિક પટેલ સ્વસ્થ થવા માટે બાંગ્લોરના જિંદાલ નેચર કેરમાં સારવાર લેવા માટે આવ્યો હતો. એક અઠવાડિયાની સારવાર લીધા બાદ હાર્દિક પટેલ અમદાવાદ પરત ફર્યો છે. ટ્રીટમેન્ટ બાદ હાર્દિક પટેલે ટ્વીટ કર્યું હતું કે, 'ગુડ બાય બેંગ્લોર, હેલ્થ ઈઝ વેલ્થ- થેન્ક્સ જિંદાલ નેચરક્યોર ઈન્સ્ટિટ્યૂટ.'

ઉપવાસ આંદોલન બાદ તબિયત લથડી હતી

જણાવી દઈએ કે હાર્દિક પટેલે પાટીદાર અનામત, અલ્પેશ કથારિયાની જેલ મુક્તિ અને ખેડૂતોના દેવા માફીની માગણી સાથે ભૂખહડતાળ શરૂ કરી હતી. 25મી ઓગસ્ટથી શરૂ કરાયેલ આ હડતાળને હાર્દિક પટેલે 12 સપ્ટેમ્બરે સમેટી લીધી હતી. 19 દિવસના આ આમરણાંત ઉપવાસ દરમિયાન કેટલાય રાજકીય પક્ષોના નેતાઓએ હાર્દિકને સપોર્ટ આપ્યો હતો જેને પગલે રાજ્ય સરકારની મુશ્કેલીઓ પણ વધી ગઈ હતી. આખરે તબિયત લથડતાં પાટીદાર સમાજની 6 સંસ્થાએ ભલામણ કરતાં હાર્દિક પટેલે ઉપવાસ સમેટી લીધા હતા.

Good bye Bengaluru “ Health is wealth “ thanks to jindal naturecure institute pic.twitter.com/fQBSNoASAA
— Hardik Patel (@HardikPatel_) September 28, 2018

સારવાર કરાવવા બેંગ્લોર આવ્યો હતો

જિંદાલ નેચર કેરમાં સારવાર લેવા જાય તે પહેલા જિંદાલ ઈન્સ્ટિટ્યૂટ તરફથી હાર્દિક પટેલને એક મેઈલ મોકલવામાં આવ્યો હતો જેમાં બાંહેધરી માંગવામાં આવી હતી કે હાર્દિક પટેલ સારવાર તો લઈ શકે પણ જિંદાલ નેચર કેરમાં રહે ત્યાં સુધી કોઈ પોલિટિકલ નેતા તેને મળવા ન આવવા જોઈએ કે આ અંગે જિંદાલના કેમ્પસમાં ચર્ચા ન થવી જોઈએ, હાર્દિકે જિંદાલ નેચર કેરની શરત માની હતી અને એક અઠવાડિયા સુધી રાજકારણથી દૂર રહ્યો હતો. જો કે હવે તે તંદુરસ્ત થઈ જતાં ફરી આંદોલન સક્રિય કરવાની ઘોષણા કરી છે.
આ પણ વાંચો- સ્ટેચ્યુ ઑફ યુનિટી પર ગરમાયું રાજકારણ, રાહુલ ગાંધીને ભાજપે ગણાવ્યા સરદાર વિરોધી

पूज्य महात्मा गांधी की जन्म जयंती दो अक्टूबर से मोरबी से सामाजिक न्याय और किसानों की क़र्ज़ा माफ़ी की माँग के साथ एक दिन का धरना कार्यक्रम शरु होगा,यह कार्यक्रम गुजरात के प्रमुख 28 ज़िले के 150 से ज़्यादा तहसील में होगा.प्रदेश के गाँव गाँव से संपूर्ण लोक क्रांति का आह्वान होगा.
— Hardik Patel (@HardikPatel_) September 24, 2018

ફરી આંદોલન સક્રિય કરશે

24મી સપ્ટેમ્બરે ટ્વીટ કરીને હાર્દિક પટેલે કહ્યું હતું કે પૂજ્ય મહાત્મા ગાંધીની જન્મ જંયતિ 2જી ઓક્ટોબરથી ખેડૂતાનું દેવું માફી અને સામાજિક ન્યાયની માગણી સાથે મોરબીથી એક દિવસના ધરણાનો કાર્યક્રમ થશે. વધુમાં હાર્દિક પટેલે કહ્યું કે આ કાર્યક્રમ ગુજરાતના મુખ્ય 28 જિલ્લા અને 150થી વધુ તાલુકામાં થશે.